Андижон вилоятида тадбиркорнинг дизель ва бензин ёнилғисини ўзлаштирган шахслар аниқланди, деб хабар беради Бош прокуратура ҳузуридаги департамент.
Қайд этилишича, департаментнинг Андижон вилоят бошқармаси томонидан тадбиркорлик субъектлари ҳуқуқларини ҳимоя қилиш юзасидан терговга қадар текширув ўтказилган. Текширув давомида “А.Н.” МЧЖ автохўжалик бўлими бошлиғи М.А. ва бошқалар ўзларининг моддий жавобгарлигидаги жами 19,3 минг литр дизель ва бензин ёнилғисини растрата қилиш йўли билан талон-торож қилгани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Талон-торож ҳолатлари
Жиззах вилояти Шароф Рашидов туманида омбор мудири ва бошқалар 408 миллион сўмлик мосламаларни ўзлаштиргани аниқлани тўғрисида хабар берилганди. Шунингдек, Гулистонда фуқаро раҳбарининг ярим млрд сўмдан зиёд пулини ўзлаштиргани, Андижонда собиқ мансабдорлардан бири ва унинг бош ҳисобчиси қамоққа олингани, Қашқадарёда 22,9 млрд сўмлик газ талон-торож қилингани маълум бўлган эди.
Изоҳ (0)