Қашқадарё вилояти Нишон туманида аёл эри билан спиртли ичимлик ичиб ўтирган аёлни “самосуд” қилгани тўғрисида хабар берилганди. Вилоят ИИБ ҳолатга муносабат билдириб, жиноят иши қўзғатилганини маълум қилди.
Қайд этилишича, 33 ёшли О.Ш. турмуш ўртоғи 37 ёшли О.А.ни Қарши шаҳридаги ижара уйда 30 ёшли Н.Д. билан қонуний никоҳдан ўтмасдан яшаб келаётганидан хабар топган. Шундан сўнг, 16 апрель куни тахминан соат 21:00 ларда О.Ш. ва бошқалар фуқаро Н.Д.ни уриб, соғлиғининг қисқа муддатга ёмонлашувига олиб келмаган енгил тан жароҳати етказган ва унинг эркин ҳаракат қилишига тўсқинлик қилиб, руҳий тазйиқ ўтказишган.
Мазкур ҳолат юзасидан Қарши шаҳар ИИО ФМБ ҳузуридаги Тергов бўлими томонидан Жиноят кодексининг 138-моддаси (зўрлик ишлатиб ғайриқонуний равишда озодликдан маҳрум қилиш) 1-қисми билан жиноят иши қўзғатилиб, тергов ҳаракатлари олиб борилмоқда.
“Самосуд” билан боғлиқ ҳолатлар
Бир неча кун олдин Бухоро вилояти Когон туманида уч нафар аёл ва бир эркак ўзаро тил бириктириб, бошқа бир аёлни “самосуд” қилганди. Шунингдек, Наманган вилояти Чуст туманида 21 ёшли йигит ўзидан 4 ёш кичик болалар томонидан “самосуд” қилингани, Тошкентда 5 нафар қиз тенгдошини калтаклагани, сурхондарёлик аёл бир неча аёллар томонидан “самосуд”га учрагани тўғрисида хабарлар берилганди.
Изоҳ (0)