Қорақалпоғистоннинг Нукус шаҳрида уй ёнидан олиб қочилган машина йўл-транспорт ҳодисасига учраган ҳолда топилди. Бу ҳақда ИИВ ахборот хизмати хабар берди.
Хабарга кўра, 27 апрель куни Нукус шаҳри Э.Алакўз кўчасида яшовчи 1991 йил туғилган Т.Б.нинг машинаси олиб қочилган. Унинг уйи олдида турган Lacetti’ни номаълум шахс ҳайдаб кетиб, шу уйнинг ёнида жойлашган газ тарқатув ускунасига урган ва воқеа жойига ташлаб кетган.
Ушбу ҳолат бўйича олиб борилган тезкор тадбир давомида жиноятни Нукус шаҳрида яшовчи, 1996 йил туғилган Ж.Т. исмли шахс қилгани аниқланди. Ҳозирги вақтда тергов ҳаракатлари олиб борилмоқда.
Олиб қочилган машиналар
Қорақалпоғистоннинг Нукус шаҳрида олиб қочилган Trailblazer ағдарилган ҳолда топилган эди. Шунингдек, Тошкент вилоятининг Олмалиқ шаҳрида ўзганинг Spark автомобилини олиб қочишда гумонланган 6 нафар йигит қўлга олинган эди. Бундан ташқари Наманган вилояти Чортоқ туманида вояга етмаган шахс автомашинани олиб қочиб, йўл-транспорт ҳодисасига учрагани хабар қилинган.
Изоҳ (0)