Фарғона вилояти Марғилон шаҳрида фирибгарлик жиноятини содир этиб, тергов органларидан қочиб юрган шахс қўлга олинди. Бу ҳақда вилоят Ички ишлар бошқармаси ахборот хизмати хабар берди.
Маълум қилинишича, 27 март куни ИИБга фуқаро Н.И. ариза билан мурожаат қилиб, унга фуқаро М.М. Malibu-2 автомашинасини 6 минг долларга сотиб, орадан қисқа вақт ўтиб машинани қайта олиб қўйганини, пулларини эса қайтармаётганини айтиб, зўравонлик билан моддий зарар етказган шахсга нисбатан чора кўришни сўраган.
Ҳолат юзасидан Жиноят кодексининг 168-моддаси 2-қисми “а” банди билан жиноят иши қўзғатилиб, айбланувчи М.М. тергов органларидан яширингани учун қидирув эълон қилинган. 26 апрель куни у яшаш хонадонида экани ҳақида тезкор маълумот олиниб, тезкор-қидирув хизмати томонидан Ички ишлар органларининг махсус хизматлари жалб этилган ҳолда қўлга олинган.
Қўлга олиш жараёнида айбланувчи ва унинг яқин қариндошлари Ички ишлар органлари ходимларига нисбатан фаол қаршилик кўрсатишгани сабабли улар қонунда белгиланган тартибда махсус техника воситаларини қўллаш орқали зарарсизлантирилган. Ҳолат юзасидан прокуратура органлари томонидан тегишли тартибда ўрганиш ишлари олиб борилмоқда.
Изоҳ (0)