Наманган вилоятидаги сайлов участкаларида янги таҳрирдаги Конституция бўйича референдумда овоз бериш жараёнлари давом этмоқда. Бу ҳақда “Дарё” мухбири Азизбек Абдувалиев хабар бермоқда.
Наманган шаҳридаги сайлов участкаларидан бирида 91 яшар Фахриддин ота Муҳиддинов овоз берди.
“Жамоа хўжалигида узоқ йиллар тракторчи бўлиб ишлаб, оиламни тебратдим. 6 ўғил, икки қиз, 46 нафар набирам бор. Эвара-чевараларнинг саноғида гоҳида адашиб ҳам кетаман. Ҳар гал сайлов бўлганида эринмай ўзим чиқаман, ўрнингизга чиқа қолайлик дейишса ҳам кўнмайман”, — дейди отахон.
У киши яшайдиган Фурқат номли маҳалла фуқаролар йиғини раиси Саодат Холбоеванинг айтишича, отахон сайлов участкасига келаётганида паспортини унутиб қолдирган. “Сизни таниймиз-биламиз, овора бўлманг” дейишларига ҳам қарамай, эринмай хонадонига бориб, паспортини олиб келган ва овоз беришда иштирок этган.
Изоҳ (0)