Фарғона шаҳрида жойлашган дўконларнинг бирида ёнғин содир бўлди. Бу ҳақда вилоят ФВБ ахборот хизмати хабар берди.
Хабарга кўра, 30 апрель куни соат 08:44 да Фарғона шаҳар, “Ойбек” МФЙ, Бозорбоши кўчасида жойлашган енгил типдаги дўконнинг 8 кв/м майдонда ички қисми ёнган. Ёнғинга ёнғин-қутқарувчилар 08:47 да етиб бориб, 08:48 да ўраб олиниб, 08:50 да ўчирилган.
Ёнғиндан дўконларнинг 200 кв/м майдони сақлаб қолинган. Ҳозирда ёнғиннинг келиб чиқиш сабаби ва зарари аниқланмоқда. Ҳодиса оқибатида тан жароҳати олган ва ҳалок бўлганлар йўқ.
Изоҳ (0)