Тошкент шаҳрида Ўзбекистон ва Бирлашган Араб Амирликлари ўртасида сиёсий маслаҳатлашувларнинг навбатдаги давраси бўлиб ўтди.
Делегацияларга Ўзбекистон инвестициялар, саноат ва савдо вазири Лазиз Қудратов ҳамда БАА энергетика ва инфратузилма вазири Суҳайл ал-Мазруи раҳбарлик қилди.
Сиёсий мулоқот ва парламентлараро муносабатларни жадаллаштириш, ҳамкорликнинг шартномавий-ҳуқуқий асосларини ва сармоявий алоқаларни кенгайтириш, шунингдек, халқаро институтлар доирасидаги саъй-ҳаракатларни мувофиқлаштириш бўйича таклифлар кўриб чиқилди.
Учрашув иштирокчилари олий даражада эришилган келишувларни тўлиқ амалга оширишга алоҳида эътибор қаратган ҳолда Ўзбекистон-БАА кўп қиррали ҳамкорлигининг турли масалалари юзасидан атрофлича фикр алмашди. Маслаҳатлашувларда саноат кооперациясини фаоллаштириш, сайёҳлик алмашинувларини кучайтириш истиқболларига алоҳида эътибор қаратилди.
Изоҳ (0)