Лимонли сув метаболизм учун фойдали эканини ҳамма билади. Бу сув ёғлар парчаланишига ёрдам беради ва метаболизмни тезлаштиради. Ичимликнинг асосий таъсири бошқа хусусиятда ётади, буни вазн йўқотадиган инсонлар ёдда тутиши керак.
Эрталаб кунни лимон бўлаги ва бир стакан сув билан бошлайсизми? Бундай ичимликни нонушта бошланишига ёки ҳатто тушлик ва кечки овқатдан олдин ичган маъқул. Умуман олганда, протеинга бой ҳар қандай овқатдан олдин лимонли сув ичса бўлади.
Протеин маҳсулотлари вазн йўқотиш ва мушаклар қуришига сабаб бўлади. Умумий стандартларга кўра, инсон ҳар куни 1 килограмм вазнига камида 1-1,5 грамм протеин истеъмол қилиши керак.
Ушбу қоидага риоя қилишни 100 фоиз фойдали деб бўлмайди. Оқсил нафақат танага мунтазам равишда кириши, балки ошқозон муҳитида ҳам тўлиқ сўрилиши керак.
Овқатланишдан бироз олдин бундай ичимликни ичсангиз, хлорид кислотасини ишлаб чиқаришни рағбатлантириб, ошқозонда кислоталиликни оширишингиз мумкин. Бу сизга протеинли овқатларнинг ҳазм бўлишини яхшилашга имкон беради, шунингдек, кислотали компонентлар қўшилган цитрус соуслари ва маринадлар билан таомларни янада мазали қилади.
Айрим инсонларга овқатланишдан олдин лимонли сув ичиш мумкин эмас. Агар сизда ошқозон-ичак трактининг бузилиши ва бошқа саломатлик билан боғлиқ муаммолар бўлса, оқсил миқдорини оширадиган ичимлик организмга зарар етказиши мумкин. Шунинг учун бу борада шифокор билан маслаҳатлашиш керак.
Изоҳ (0)