Андижон вилояти Бўстон туманида хорижда ишлаб чиқарилган жами 711 миллион сўмлик аёллар кийимлари ноқонуний олиб кетилаётганда тўхтатиб қолинди. Бу ҳақда вилоят ички ишлар бошқармаси ахборот хизмати хабар берди.
Таъкидланишича, вилояти ички ишлар бошқармаси тезкор-қидирув хизмати терроризмга қарши курашиш бошқармаси ҳамда Божхона бошқармасининг контрабандага қарши курашиш бўлими ходимлари билан ҳамкорликда тезкор тадбир ўтказилган.
Тадбир давомида Бўстон тумани ҳудудида ҳаракатланиб кетаётган Isuzu русумли автотранспорт воситаси текширилганда, унинг юкхонасида хорижда ишлаб чиқарилган божхона расмийлаштирувидан ўтганлигини тасдиқловчи ҳужжатлари мавжуд бўлмаган умумий нархи 710 миллион 920 минг сўм бўлган 49 турдаги 3 минг 534 дона аёллар кийимлари борлиги аниқланиб, тегишли тартибда ҳужжатлаштириб олинди.
Ҳозирда мазкур ҳолат юзасидан вилоят Божхона бошқармаси томонидан дастлабки суриштирув ҳаракатлари олиб борилмоқда.
Изоҳ (0)