Россиянинг Украина билан чегарадош бир қанча вилоятларида, шунингдек, босиб олинган Қримда 9 май куни ўтказиладиган ҳарбий парад бекор қилинди.
Бу Британия разведкаси таҳлилчиларининг эътиборини тортди. Улар Украинадан узоқроқда жойлашган Россиянинг бошқа шаҳарларида эса 9 майда парад ўтказилишини аниқлади ва бу нимадан далолат беришини прогноз қилди.
“Тадбир биринчи навбатда чегара яқинидаги хавфсизлик хавотирлари туфайли бекор қилинди”, — дейилади Британия разведкаси баёнотида.
Бироқ парад ўтказиш бўйича турли ёндашувлар Кремль алоқа муаммосига дуч келаётганини кўрсатмоқда. Россия президенти Владимир Путин Иккинчи жаҳон урушидаги совет тажрибаси руҳидаги “махсус ҳарбий операция”ни жорий қилгани келтирилади.
Таъкидланишича, Иккинчи жаҳон урушидаги ва ҳозирги вазият руслар орасида унчалик ёқимли таққослашларни келтириб чиқармайди.
“Ушбу хабар Россия томонидан Украинадаги кампанияларнинг ёмон ташкил этилгани ва муваффақиятсизлигини тушунадиган россияликлар орасида тобора кўпроқ ташвиш уйғотади. Ҳалок бўлган олдинги авлодларга ҳурмат кўрсатиш Кремль яширишга уринаётган сўнгги йўқотишлар даражасини осонгина фош қилиши мумкин”, — дейди таҳлилчилар.
Изоҳ (0)