Россияпараст украиналик сиёсатчи Виктор Медведчукнинг рафиқаси Оксана Марченко Украинада қидирувга берилди. Тегишли карточка мамлакат Ички ишлар вазирлиги сайтида эълон қилинган.
Қидирув карточкасида айтилишича, Марченко 2023 йил 24 мартдан бери дастлабки тергов органларидан яшириниб юрибди.
Марченкони қидирувга бериш ташаббусини Украина хавфсизлик хизматининг Ивано-Франковск вилоятидаги бошқармаси кўрсатган.
Оксана Марченко — Медведчукнинг учинчи хотини. Украинада у Россия ҳуқуқ-тартибот идораларини молиялашда гумон қилинмоқда. 2023 йил 23 февралда суд унинг 5,6 миллиард гривнадан (тахминан 152 миллион доллар) ортиқ бўлган активларини хатловга олди.
Meduza хабарига кўра, Виктор Медведчукнинг 19 ёшли қизи Даря камида 2021 йилдан бери Москвада истиқомат қилади. Оксана Марченко у билан бирга яшаётган бўлиши мумкин.
“Путиннинг қадрдони” деб аталадиган Медведчук 2021 йилда Украинада давлатга хиёнатда айбланган, 2022 йил сентябрда у маҳбуслар алмашинуви доирасида Россияга топширилган. 2023 йил февраль ойида “Биринчи канал”га берган интервьюсида Медведчук Москвада “мажбуран” яшаётганини айтди.
Изоҳ (0)