Макрон Францияда сув истеъмолини камайтиришни талаб қилди

Франция президенти Эммануэл Макрон мамлакатда сув истеъмолини 10 фоизга камайтиришни талаб қилди. Бу ҳақда Euronews хабар берди.

Франция раҳбари сув ресурсларини тежаш миллий режасини тақдим этди. Янги стратегияга кўра, 2030 йилга бориб мамлакат иқтисодиётининг барча тармоқларида сув истеъмоли камайтирилади.

Ташаббус дунёдаги иқлим ўзгаришига жавоб бериш зарурати билан боғлиқ. 2023 йил ёзда Францияда қурғоқчилик, ўрмон ёнғинлари ва дарёларнинг қуриши билан таҳдид қилмоқда. Ҳукумат қурғоқчилик ҳолати ҳақида ўз вақтида маълумот берувчи воситани жорий қилишни режалаштирмоқда. Шунингдек, 2023 йил ёзигача барча ҳисобот бўлимлари президентга сувни тежаш режасини тақдим этиши шарт.

Нима учун сув Францияда баҳсли мавзу ҳисобланади?

2022 йили Франция тарихдаги энг ёмон қурғоқчиликни бошдан кечирди. Мамлакат бу қишни рекорд даражадаги 32 кун ёмғирсиз ўтказди. Бу март ойи бошида сув омборларини меъёрий даражадан 80 фоизга паст қолишига сабаб бўлди.

Мамлакатдаги сувнинг қарийб 58 фоизи қишлоқ хўжалигига сарфланади ва фермерлар ўз экинларини сақлаб қолиш учун катта сув омборлари кераклигини айтмоқда. Атроф-муҳит гуруҳлари эса бунга рози эмас ва улар бундай лойиҳаларни агробизнеснинг сув таъминотини монополлаштиришга уриниши деб билади.

“Гап сувни хусусийлаштириш ёки уни кимгадир эгаллашига рухсат беришда эмас”, — деди Макрон.

Мамлакатдаги сувнинг 26 фоизи ичишга яроқли, 12 фоизи атом электр станцияларини совитиш учун ишлатилади ва 4 фоизи саноатга сарфланади. Иқлим бўйича мутахассислар келгуси ўн йилликларда таъминот 10-40 фоизга қисқаришини тахмин қилмоқда.