Навоийда онлайн молиявий пирамида ташкил қилган шахс ушланди
Тошкент шаҳрида онлайн молиявий пирамида ташкил қилган шахс ушланди. Бу ҳақда Ички ишлар вазирлиги ахборот хизмати хабар берди.
Қайд этилишича, Яккасарой туманида яшовчи 31 ёшли К.М. Telegram’да “Ҳадя бериб ҳадя олинг” номли гуруҳга аъзо бўлиб, гуруҳдаги “пулларни 2 баробар кўпайтириб берамиз” мазмунидаги хабарларга ишонган ҳолда 28 миллион сўм пулини номаълум шахс пластик картасига ўтказиб берганини маълум қилган.
Ўтказилган тезкор-қидирув тадбирлари натижасида, ушбу жиноят Навоий вилояти Кармана туманида яшовчи 29 ёшли Х.Д. томонидан содир этилгани аниқланди. Жиноят содир этган Х.Д. Ўзбекистон Республикаси Жиноят кодексининг 188 прим 1-моддаси 2-қисми билан жиноий жавобгарликка тортилди. Қонунга мувофиқ, Х.Д. томонидан содир этилган жиноий ҳаракатлар учун 5 йилдан 7 йилгача озодликдан маҳрум қилиш жазоси назарда тутилган.
