Бухоро шаҳрида Damas русумли транспорт воситаси йўл четида тўхтаб турган Hоwо юк машинасининг орқасига келиб урилиб, йўл-транспорт ҳодисасини содир этди. Бухоро вилояти ИИБ ҳолат бўйича маълумот берди.
Қайд этилишича, 30 март куни тахминан соат 13:30 ларда Бухоро тумани “Сўфикоргар” маҳалласи “Чоруқ” қишлоғи ҳудудидан ўтувчи давлат аҳамиятига эга бўлган 4Р-68 автомобиль йўлининг 5-километрида йўлнинг четги қисми (асфальт қопламасидан ташқарида) йўл марзасида тўхтаб турган Hоwо русумли юк транспорт воситасининг орқасига Damas келиб урилган.
Мазкур ЙТҲ Бухоро туман ИИБ ЖХХ ЙҲХБ ходимлари томонидан тезда ўрганилган. Аниқланишича, йўл-транспорт ҳодисаси натижасида ҳеч ким оғир тан жароҳати олмаган, фақат транспорт воситаларига шикаст етган.
Ҳозирда ҳолат юзасидан терговга қадар текширувҳаракатлари давом эттирилмоқда.
Аввалроқ Андижонда 6 нафар фуқаронинг ўлимига сабаб бўлган ЙТҲ ортидан йўл қурилиш ташкилоти раҳбарига жиноят иши қўзғатилиб, иш судга юборилгани тўғрисида хабар берилганди.
Изоҳ (0)