Футбол бўйича 20 ёшгача бўлган футболчилар ўртасидаги Жаҳон чемпионати мезбонлиги Индонезиядан олиб қўйилди. Бу ҳақда ФИФА расмий сайтида эълон қилинди.
ФИФА президенти Жанни Инфантино ва Индонезия футбол ассоциацияси раҳбари Эрик Тоҳир ўртасидаги учрашувдан кейин ташкилот шу қарорга келган.
ФИФА янги мезбон номи тез орада эълон қилиниши ва турнир санаси (20 майдан 11 июнгача) ўзгаришсиз қолишини маълум қилган.
Шунингдек, Индонезияга нисбатан қўлланиладиган санкциялар ҳам кейинроқ маълум бўлади.
Маълумот учун, Индонезия аҳолиси мусобақада Исроилнинг иштирок этишидан норози бўлди. Ўйинларни қабул қиладиган айрим шаҳарлар раҳбарлари Исроилни ўз ҳудудига киргизмаслигини айтган. Шундан кейин ФИФА аввалига 31 март кунига мўлжалланган қуръа ташлаш маросимини бекор қилди. Энди эса Индонезияни мезбонликдан маҳрум қилмоқда.
Ўзбекистон U-20 терма жамоаси ёшлар ўртасидаги Осиё Кубогида ғалаба қозониб, мусобақа йўлланмасини қўлга киритганди.
Изоҳ (0)