Парҳез қилмаслик, яхши овқатланиш ва бир вақтнинг ўзида вазн йўқотиш — бу фантазия эмас, балки ортиқча вазнни камайтириш билан бирга эришилган уйғунликни сақлаб қолишнинг ягона мумкин бўлган соғлом усулидир. Тезроқ озиш учун кундалик рационга организмдаги ёғни фаоллаштирадиган овқатларни қўшинг.
Саримсоқ ва пиёз
Бу хушбўй сабзавотлар таркибида аллицин мавжуд бўлиб, улар нафақат ўзига хос ўткир таъм ва ҳид беради, балки сақланадиган ёғнинг энергияга тез айланишини таъминлайди. Шу боис овқат билан бирга барра пиёз ва саримсоқ қўшинг. Бу нафақат соғлиққа, балки қоматга ҳам фойдадир.
Apelsin
Цитрус меваларида, айниқса, апелсинда мавжуд бўлган C витамини стресс гормони кортизол даражасини тезда пасайтиришга ёрдам беради. Бу қандай қилиб вазн йўқотишга ёрдам беради? Гап шундаки, кортизол организмда кўпинча бел соҳасида ёғ тўпланишини рағбатлантиради. Кортизол даражаси қанчалик паст бўлса, организмда ёғ сақланиши камроқ бўлади. Apelsinдаги эфир мойининг хушбўйлиги хурсандчилик гормонларининг кўпайишига олиб келади.
Денгиз ўтлари
Денгиз ўтларида паст калория ва қалқонсимон безнинг тўғри ишлаши учун зарур бўлган минерал — ёд кўп. Айнан қалқонсимон без дисфункцияси ортиқча вазннинг энг кенг тарқалган сабабларидан бири бўлиб, уни енгиш қийин. Аммо шуни эсда тутиш керакки, баъзи қалқонсимон без касалликларида ёдга бой озиқ-овқатлар соғлиқ учун хавфли бўлиши мумкин. Шунинг сабабдан ёғ эритадиган денгиз ўтларидан кўп истеъмол қилишдан олдин қалқонсимон без ҳолатини текширинг.
Аччиқ қалампир
Аччиқ қалампир таркибидаги капсаисин метаболизм ишини рағбатлантиради, шу йўл билан ёғларни самарали эритиб юборади. Қолаверса, аччиқ таомларни истеъмол қиладиган одамлар тезроқ тўядилар ва оддий таомларни афзал кўрадиганларга қараганда таомни камроқ истеъмол қиладилар.
Қаҳва ва қора чой
Шунингдек, кофеин метаболизм жараёнини оширади. Дам олиб ҳам кўпроқ калориялардан, жумладан, ёғлардан халос бўлиш мумкин. Аммо тавсия этилган дозадан ошиб кетмаслик муҳим. Чунки кофеиннинг баланд дозаси серотонин ишлаб чиқаришни камайтиради.
Зарчава
Ушбу ёрқин сариқ зираворнинг фаол моддаларидан бири — куркумин қон томирларида ривожланадиган хавфли виссерал касаллигини бостириш орқали ёғ билан курашишга ёрдам беради. Бундан ташқари, зарчава соч ва тери учун жуда фойдали. Бу зиравор ҳатто, мигренга ҳам даводир.
Сув
Агар соғлиғингиз ва ташқи кўринишингизга эътибор беришга жиддий қарор қилган бўлсангиз, бунга сувсиз эришолмайсиз. Биринчидан, сувнинг етишмаслиги билан шиш пайдо бўлади. Иккинчидан, у чанқоқни қондиради, қонда қанд даражасини кўтармайди — шарбатлар ёки бошқа ичимликлардан фарқли ўлароқ. Ва ниҳоят, агар ҳар сафар оч қолганингизда бир стакан сув ичсангиз, камроқ овқатланасиз: ошқозоннинг бир қисми сув билан тўлгани боис, кўпинча чанқоқни очлик билан адаштириб юборамиз. Бу билан организмдаги ортиқча ёғнинг сарфланишига тўсқинлик қиламиз.
Зайтун ёғи
Монотўйинмаган ёғлар ҳар қандай тўғри овқатланишнинг муҳим таркибий қисмидир. Ёғ организм учун жуда зарур. Мабодо уни соғлом озиқ-овқатлардан олинмаса, организм уни зарарли фастфуд ва хавфли трансёғлар билан тўлдирилган қовурилган овқатлардан тортиб олишга ҳаракат қилади. Зайтун мойи соғлом ёғлар ичида “чемпион” бўлиб, у нафақат қоматни сақлайди, балки юрак ва қон-томирларнинг яхши ишлашига ёрдам беради.
Мавзуга доир:
Изоҳ (0)