Эксперт: “2023 йилда Осиё глобал иқтисодий ўсиш учун муҳим кучга айланади”

Осиё минтақаси бу йил бутун жаҳон иқтисодиёти ривожланишини рағбатлантиришнинг муҳим асосига айланади. Бу ҳақда Боао Осиё форуми (БАФ) бош котиби Ли Баодунга таяниб, “ТАСС” хабар берди.

Биз ўтган асрда қийинчиликларга дуч келган барча Осиё мамлакатлари бутун дунё таяниши мумкин бўлган ўсиш учун рағбатлантирувчи кучга, кўп томонлама ҳамкорликнинг муҳим устунига айланаётганини кўришимиз мумкин, — деди у Хайнан оролининг шарқий қирғоғида бўлиб ўтаётган БАФнинг таҳлилий ҳисоботларини шарҳлар экан.

Унга кўра, 2023 йилда Осиё глобал иқтисодиётнинг секинлашуви фонида ажойиб натижаларга эришади.

Бундан ташқари, унинг сўзларига кўра, Осиё давлатларининг тикланиши нотекис давом этмоқда. Озиқ-овқат, энергетика ва пул-кредит ҳамда соғлиқни сақлаш соҳасидаги инқирозли вазият минтақа мамлакатларига катта салбий таъсир кўрсатмоқда.

Ли Баодонг жаҳондаги беқарор вазият шароитида оғир аҳволга тушиб қолган айрим мамлакатларнинг қарз юки ортиб бораётганини эслатди.

Бу масалаларни Осиё ва бутун дунё ўртасида янада яқинроқ ҳамкорликни амалга ошириш орқали ҳал қилиш керак”, — дея қўшимча қилди у.

Боаодаги форум 2001 йилдан бери мунтазам равишда ўтказиб келинмоқда ва унда 30 га яқин давлат (Осиё-Тинч океани минтақаси давлатлари) иштирок этади. 

Forum 2020 йилда пандемия сабабли ўтказилмаган. Лекин 2021—2022 йилларда қайта ташкил этилган. Жорий йилда у 28—31 март кунлари ташкиллаштирилди.

БАФ Шарқий Давос деб аталади — бу муҳим келишувларни имзолаш, Осиё ва дунёнинг бошқа барча минтақаларидаги бизнес ва ҳукумат доиралари вакиллари ўртасидаги позицияларни мувофиқлаштириш учун катта платформадир.

Хитой ҳукумати уни ривожлантиришга катта эътибор қаратади ва бу механизмни Пекиннинг халқаро алоқаларини фаоллаштириш ва мустаҳкамлашга хизмат қилувчи дипломатиянинг самарали воситаси деб билади.

Аввалроқ Саудия Арабистони Осиё ва Европа учун нефть нархини оширгани ҳақида хабар берилганди.