Лондонда қиймати 300 миллион долларга тенг Ридженц паркида жойлашган Ҳолм саройи сотилмоқда. Robb Report ва The Evening Standard нашрларининг маълумотига кўра, у дунёдаги энг қиммат нархда сотилаётган уй ҳисобланади.
Бино 1818 йилда таниқли кўчмас мулк билан шуғулланувчи Жеймс Бертон ва унинг ўғли, архитектор Детсимус томонидан қурилган. Бедфорд коллежи кўп йиллар давомида фойдаланган қаср 1980 йиллардан бошлаб Саудия қироллик оиласи аъзоларига тегишли.
Саройда 2,7 минг квадрат метр яшаш учун жой, жумладан, 40 ётоқхона мавжуд. Бундан ташқари, саройда саккизта гараж, теннис корти, кутубхона ва сауна мавжуд.
Кўчмас мулк бўйича мутахассисларнинг фикрича, дунё бўйлаб атиги 20 га яқин оила ушбу саройни сотиб олиш ва унда яшаш имкониятига эга. Саройни сақлаш йилига юз минглаб долларга баҳоланади, чунки унда кўп ходимлар ишлашига тўғри келади.
Оммавий ахборот воситалари маълумотларига кўра, британиялик кўчмас мулк тадбиркори Ник Кенди ва унинг рафиқаси, хонанда Ҳолли Веланс февраль ойида саройни кўриш учун келган. Кендининг бойлиги бир миллиард долларга баҳоланган.
Изоҳ (0)