Омадсизлар-2023: “Оскар”га муносиб кўрилмаган бўлса ҳам томоша қилишга арзийдиган фильмлар

Бу йил “Оскар”нинг деярли барча мукофотларини “Ҳаммаси ҳар жойда ва бирданига” фильми олди. Аммо бу уйга қуруқ қўл билан қайтган номзодлар орасида муносиб даъвогарлар йўқлигини англатмайди.

“Инишериннинг баншилари”, Мартин МакДона

Номзодлар: 9

Мартин МакДонанинг янги картинаси ўзининг севимли Венециясида намойиш этилди — энг яхши сценарий ва энг яхши эркак роли учун бир нечта ,“Олтин глобус”га сазовор бўлди, “Оскар”га тўққизта номинацияда қўйилди. Аммо на актёрлар, на Макдонанинг ўзи ҳайкалчаларга эга бўлмади, ҳатто сценарий ҳам мукофотга лойиқ кўрилмади. Бу ажойиб комедия деҳқон ва скрипкачи ўртасидаги зиддият ҳақида. Скрипкачи Колм бир кун келиб фермер Подрик билан дўст бўлмасликка қарор қилади, чунки у бемаъни гапларга вақт сарфлашни истамайди ва санъатни танлайди.

“Фабелманлар”, Стивен Спилберг

Номзодлар: 7

Стивен Спилбергнинг болалик хотиралари Мишел Уильямс томонидан яратилган ижодкор онанинг ажойиб образи билан таъсирчан фильмга айланди. Танқидчиларнинг фикрича, уни “иккинчи даражали рол” сифатида номзод қилиб кўрсатишганида, эҳтимол “Оскар” олиши мумкин эди. Фильмда тасвирланган том маънода кинога “касал бўлган” бола (худди кичик Стивен каби) ҳам ҳаётини онасисиз тасаввур қила олмайди. Чунки “Фабелманлар” — кўплаб режа ва орзуларга эга бўлган, аммо ўзини оиласига бағишлаган аёл ҳақидаги драма. У ўзини ҳеч қандай эътирозсиз оиласига бағишлайди, эҳтимол у дунёга машҳур пианиночи бўлиши мумкин эди. Шубҳасиз, Спилберг болалигидаги барча жароҳатларини ушбу картина орқали тасвирлайди.

“Тар”, Тодд Филд

Номзодлар: 6

Кейт Бланшетт “Оскар” олиши керак бўлган фильм муваффақиятли бўлмади, аниқроғи бу содир бўлди, лекин Мишель Йео илиб кетди. Фильмда Берлин филармоник оркестрининг биринчи аёл дирижёри бўлган Лидия Тар ҳақида ҳикоя қилинади. У ақлли, истеъдодли, гўзал, омадли — Бернстейн талабаси, мукофотлар совриндори, у машҳур “Нью-Йоркeр” журналининг машҳур муаллифига интервью беради. Бироқ унчалик ёқимли бўлмаган ҳимоячиларидан бирининг вафотидан кейин Лидиянинг обрўси хавф остида қолади.

“Ғам учбурчаги”, Рубен Эстлунд

Номзодлар: 3

Швед режиссёри Рубен Эстлунд капитализм танқид қилинган яна бир фильми билан қайтди, аммо Эстлунд Канннинг асосий мукофотини олди ва “Оскар”да эса ҳеч бир номинацияда ғолиб бўлолмади.

Умуман олганда, капитализмни танқид қилиш тенденцияси бироз кулгили кўринади, деярли “асалга қарши асаларилар”га айланади, чунки уни имтиёзли, бой одамлар танқид қилади. Эстлунднинг бош қаҳрамонлари — модел жуфтлик круизда саёҳатга чиқишади. Уларнинг лайнери ҳалокатга учрайди, номаълум оролдаги тирик қолганлар кичик жамиятнинг иерархиясини ўзгартиради.

“Харрис хоним Парижга боради”, Энтони Фабиан

Номзодлар: 1

1992 йилда суратга олинган Анжела Лансбери иштирокидаги телефильмнинг 1992 йилги ремейки энг яхши либослар учун “Оскар”га даъвогарлик қилганди, афсуски уни қўлга киритолмади. Тўсатдан қўлига пул тушиб қолган бева фаррош аёл Dior либосини олиш учун Парижга боришга қарор қилади. Воқеалар Иккинчи жаҳон урушидан кейин содир бўлади ва орзу қилинган мода либосини олиш осон иш эмас. Аммо Харрис хонимни тўхтатиб бўлмайди. У деярли бутун Dior уйини ва шу билан бирга француз аристократини мафтун этади, гарчи кейинчалик аристократнинг бошқа манфаатни кўзлагани маълум бўлади.