Мултфильмлар борасида бугунги кунда танлов жуда катта, 2022 йил, айниқса, мултфильмларга бой бўлди. Албатта, жуда кўп эртаклар орасида болаларга ҳаётдаги муҳим нарсаларни ва одамлар ўртасидаги муносабатларнинг нозик томонларини тушунишга ёрдам берадиган эртаклар ҳам бор.
“Этик кийган мушук-2: Сўнгги тилак”, 2022 (АҚШ)
Этик кийган мушук деярли бутун умрини сарфлаб, 9 та ҳаётидан фақат 1 тасини қолдиради. Шунга қарамай, қаҳрамонимиз сўнгги орзусини топиш ва барча йўқотилган ҳаётини қайтариш учун қизиқарли янги саргузаштга йўл олади.
Этик кийган мушук, шунингдек, болаларга зийрак ва ақлли бўлиш муваффақиятга эришишга ёрдам беришини ўргатади.
“Балерина”, 2016 (Франция, Канада)
“Балерина” мултфильмининг сужети ўз орзуси – балерина бўлиш йўлида юрган етим қиз атрофига қурилган. У Париждаги машҳур мактабга келади, лекин унинг орзусига етишиш осон эмас.
Картинадан олинадиган хулоса — сиз нафақат ўзингиз ёқтирган нарсани қилишингиз, мақсад сари боришингиз керак, балки ҳақиқий истакларингиз қаердалигини тушунишингиз ҳам муҳимдир. Шунингдек, қилаётган ишингиз бошқаларга паст назар билан қарашга олиб келмаслиги, бошингизни айлантирмаслиги жуда муҳим.
“Денгиз қиялигидаги Ponyо”, 2008 (Япония)
Сеҳргар ва денгиз маъбудасининг қизи бўлган кичкина балиқ Ponyо ўз уйидан узоққа сузади ва одамлар дунёсига келиб қолади. У болакай Сосуке билан дўстлашади, охир-оқибат одамга айланишни хоҳлайди.
Ушбу мултфильм меҳр-оқибат, сабр-тоқат, дунёга очиқлик, дўстлик ва ўзаро ёрдамни тушунишга ўргатади.
“Трансилвания”, 2012 (АҚШ)
Граф Дракула бошчилигидаги махлуқлар одамлардан яширинган ҳолда сирли меҳмонхонада яшайди. Дракула ўзининг севикли қизини ёлғиз ўзи тарбиялаб, уни одамлардан ҳимоя қилади. Аммо сайёҳ йигит меҳмонхонага киради ва сокин кетаётган ҳаёт бузилади.
Мултфильм болага одамнинг ташқи кўринишига қараб ҳукм қилишнинг иложи йўқлигини тушунишга ёрдам беради, чунки асосий нарса унинг қалбида. Оила — ҳаётдаги энг муҳим нарса, лекин болалар ва ота-оналар ҳар доим ҳам бир-бирларини тушунишмайди. Болалар ота-оналари томонидан ҳаддан ташқари ҳимояланганликларини англаши ва ота-оналар эса фарзандларига кўпроқ эркинлик беришлари кераклигини тушунишлари керак.
“Омад”, 2022 (АҚШ, Испания)
Сем Гринфилд — коинотдаги энг омадсиз қаҳрамон. Тақдирнинг кутилмаган бурилишида у ақл бовар қилмайдиган Омад мамлакатига бориб қолади ва ўз омадини қайтариб олиш учун ажойиб сеҳрли мавжудотлар билан бирлашади. Сеҳр ва саргузаштларга тўла бу ҳаяжонли ҳикоя ҳеч кимни бефарқ қолдирмайди.
Мултфильм баъзида кучлироқ бўлиш ва хоҳлаган нарсангизга эришиш учун муваффақиятсизликлар ҳам кераклигини ўргатади.
“Сенинг исминг”, 2016 (Япония)
Токиолик йигит ва қиз ҳақидаги мазкур ҳикоя ўсмирларга ёқади. Ёшлар улар ўртасида ғалати ва тушунарсиз алоқа борлигини пайқайди. Тушида улар таналарини алмаштириб, бир-бирларининг ҳаётини яшаб кўради. Аммо бир куни бу қобилият йўқолади ва улар нима бўлганини аниқлашга қарор қилишади.
Мултфильм томошабинларга тасодифнинг ҳаётда қандай рол ўйнаши, ҳақиқий севгини қандай ажратиш ва нега вақт ҳақиқий ҳис-туйғулар ва ёшликнинг кутилмаган ҳолатларига қарши ожиз эканлиги ҳақида ўйлаш имконини беради.
“Паранорман ёки зомбиларни қандай ўргатиш керак ”, 2009 (АҚШ)
Бутун шаҳарча Нормандан умидвор. Ахир у супер совғага эга — аҳолини безовта қиладиган арвоҳлар билан мулоқот қилиш қобилияти. Фақат у қадимий тавқи лаънатни бекор қила олади.
Бироз қўрқинчли мултфильм муҳим муаммоларни қўрқмай ечишни ўргатади: биз тушунмаган нарсамиздан қўрқамиз ва қўрқувимизни йўқ қилишга ҳаракат қиламиз. Баъзида эса шунчаки ёрдам қўлини чўзиш ва ҳамдард бўлишнинг ўзи ҳам жуда муҳим.
“Смолфут”, 2018 (АҚШ)
Миго исмли қор одам ўз тоғининг тепасидан одамларнинг номаълум дунёсига тушади, у ерда уни кўплаб кашфиётлар кутмоқда.
Табиатга ғамхўрлик қилиш, ҳайвонларни хафа қилмаслик ва ҳар бир тирик мавжудотни қадрлаш кераклиги ҳақидаги ажойиб мултфильм. Шунингдек, дўстлик, хиёнат, ўзаро ёрдам ва жасорат ҳақида ҳам ҳикоя қилинади.
“Олға”, 2020 (АҚШ)
Ака-ука элфлар эртаклар оламида яшайди, лекин замонавий инсон дунёсига жуда ўхшайди. Кутилмаган кашфиёт уларни ҳақиқий сеҳр-жоду излаш учун саёҳатга чорлайди.
Яқин одамларни қадрлаш қанчалик муҳимлиги ҳақида ҳикоя, чунки кўпинча яқинларимизни қадрламаймиз. Дунё ҳар биримизнинг юрагимизда сақланадиган сеҳрга муҳтож.
“Денгиз махлуқи”, 2022 (АҚШ, Канада
Ёшгина қиз денгиз махлуқини овлаш учун кетаётган афсонавий овчи кемасига чиқиб олади ва номаълум жойларга саёҳат қилади. Тарихий ёзувлар ва одам ҳамда махлуқ ўртасидаги чегараларнинг қўшилиб кетиши — бундай глобал мавзу мазкур янги мултфильмда кўтарилган.
“Қизил туфлича ва 7 гном”, 2019 (Жанубий Корея)
Бир куни эртаклар қироллигида бир қиз уни гўзал маликага айлантира оладиган сеҳрли туфли топиб олади. Худди шу қиролликда бир вақтлар шаҳзода бўлган 7 яшил гном яшайди. Бир кун келиб уларнинг йўллари кесишади.
Дўстлик, севги, гўзаллик ва ёрдам — мултфильм ушбу муҳим мавзуларни кўтаради. Аммо у болаларга ўзини, ташқи кўринишини қабул қилиш ва қандай одам эканлигини англаш қанчалик муҳимлигини уқтиради.
Изоҳ (0)