Пентагон расмийлари ўзга сайёраликлар Қуёш тизимига ташриф буюриши ва бошқа сайёраларни ўрганиш учун NASA миссияларига ўхшаш кичик зондларни юбориши мумкинлигини айтди. Бу ҳақда Fox News хабар берди.
7 март куни Пентагоннинг барча соҳаларда аномалияларни бартараф этиш бошқармаси директори Шон Киркпатрик ва Гарвард университети астрономия кафедраси мудири Авраам Леб томонидан тадқиқот ҳисоботи лойиҳаси эълон қилинди. Лойиҳа номаълум ҳаво ҳодисаларининг жисмоний чекловига эътибор қаратган.
“Сунъий юлдузлараро объект Ерга яқинлашганда кўплаб кичик зондларни фаоллаштирадиган космик кема бўлиши мумкин. Бу NASA миссияларидан унчалик фарқ қилмайдиган операцион дизайндир”, — дейилади хабарда.
Ҳисоботга кўра, NASA’га 2005 йилда Конгресс томонидан Ер яқинидаги 140 метрдан катта объектларнинг 90 фоизини аниқлаш топширилган, бу эса Pan-STARRS телескопларини яратишга олиб келган. 2017 йил 19 октябрда Pan-STARRS ғайриоддий юлдузлараро объектни аниқлаган, у “Оумуамуа” деб номланган, бу Гавайи тилида “разведкачи” деган маънони англатади. Шунга ўхшаш иккинчи объект текшируви 2023 йилнинг февраль ойида кузатилган.
“Ушбу тадқиқот объектлари Ерга ёки Қуёш тизимидаги бошқа сайёраларга етиб боришга қодир. Уларни аниқлаш осон эмас, чунки улар етарлича қуёш нурини акс эттирмайди, бу эса телескоплар томонидан уларни аниқлашни қийинлаштиради”, — дейилади ҳисоботда.
Тадқиқот ҳисоботи АҚШ осмонида номаълум учувчи жисмларни бир ой синчковлик билан ўрганишдан сўнг чоп этилган.
Изоҳ (0)