Икки фасл чорраҳасида турган организмга ҳаётий ресурслар етишмайди. Табиат эндигина қишки уйқудан уйғонганда, организмда совуқ ҳаводан толиқиш натижасида шундай ҳолатлар содир бўлади: ҳаёт давомида, гормоннал фаолият ўзгариб, организм янгилана бошлайди. Табиатда бу янгиланишлар осон кечади, бизда эса унчалик эмас. Шунинг учун баҳорда ўзимизни ҳолсиз ҳис қиламиз. Бундай пайтда қандай йўл тутиш кераклигини биз сизга айтамиз!
Тонгни жисмоний машқлар билан бошланг
Қисқа, аммо мунтазам машқлар алмашув жараёнларини меёрлаштириб, қон-томирлари фаолиятини яхшилайди, юрак мушакларини мустаҳкамлаб, қонга эндорфинларни (яхши кайфият гормонларини) чиқаришга сабаб бўлади. Тонгда тетиклантирувчи машқларни бажаринг. Танангизни чўзинг. Қўлларингизни ерга қўйинг. Тиззаларни эгмасдан, аста-секин бошланғич ҳолатга қайтинг. Елка ва бўйнингизни бўшаштиринг. Оҳисталик билан орқага эгилиб деворга суянинг, бош ва товонингизнинг орқа томонини деворга теккизиб турган ҳолда мушакларни таранглаштиринг. Қўл ва оёқларни силкитинг. Комплексни бир неча бор такрорланг.
Ўзингизни уқалашни унутманг
Уқалаш уйқусираш ва стрессни бартараф этади. Қулоқлар, чап қўл бош бармоғи ва лабнинг устки нуқтаси энергетик “порталларимиз”дир. Бундай массажни куннинг исталган вақтида, ўзингизда уйқусираш туйганингизда амалга оширинг.
Бир стакан сув ичинг
Дунё шифокорлари эрталаб бир стакан сув ичишни маслаҳат беради. Газсиз, оддий ёки қайнатилган, асал, лимон ёки ялпиз барглари қўшилган минерал сувми фарқи йўқ. Стаканда қандай сув бўлишидан қатъий назар фойдалидир. Бу билан ошқозон-ичак трактининг фаолияти яхшиланади. Саломатлик бевосита ошқозон-ичак тракти фаолияти билан боғлиқ.
Рационга витаминлар қўшинг
Март апрель ойларида организмда витаминлар етишмовчилиги кузатилади. Шунинг учун кучсизлик, сусткашлик, уйқусираш, унутувчанлик, ишга, ҳамма нарсага нисбатан иштиёқсизлик кузатилади. Буларнинг барчаси мавсумий витамин етишмаслиги туфайли юзага келади. Кучли витаминлар дозасини олиш учун турп ва тузланган карамни тез-тез истеъмол қилинг. Унга буғдой кепаги ва ундирилган буғдой қўшинг, наъматак қайнатинг, барра кўкатларни ҳам унутманг. Ҳар куни 2-3 дона салат барги ва турли туман кўкатлар, бир неча дона янги униб чиққан пиёз бандларини истеъмол қилинг — шунда яна қувватга эга бўласиз!
“Тетиклик” коктейлини тайёрланг
Кун давомида чарчоқ пайдо бўладими? Битта банан, 400 мл сут олинг (бугунги кунда талаб катта бўлган соғлом озиқ-овқат маҳсулоти — кокос суви билан алмаштирилиши мумкин: у арзон ва барча супермаркетларда сотилади), шунингдек, бир ҳовуч ёнғоқ, 1 чой қошиқ ундирилган буғдой доналари (чиа уруғлари билан алмаштирилиши мумкин) ва лимон шарбати. Барча ингредиентларни блендерга солиб яхшилаб аралаштиринг.
Вазнингизни кузатиб боринг
Қиш мавсумида кўпчилик вазн йиғади, натижада чарчоқ кучаяди. Чиндан ҳам керакциз юкни кўтариш осон эмас. Ортиқча вазндан қутулиш қийин эмас. Фақат кучли диеталар ва очлик ҳақида унутинг. Янги бошлаганлар овқатланиш тарзларини ўзгартиришга ҳаракат қилиши лозим. Овқатни оддий ликопларга эмас кичик ликопчаларга сузинг. Улар камроқ таом кетади ва тўла кўринади. Кунига 3 маҳал овқатланишга ҳаракат қилинг (нонушта, тушлик, кечки овқат), яхшиси ҳар доим бир вақтнинг ўзида. Қўшимчалар ва режадан ташқари тўйимли егуликлардан воз кечинг (агар овқатланишни истасангиз, очликни кефир, ёгурт, олма, сабзи ёки бир ҳовуч ёнғоқ билан очликни қондиринг).
Тетиклантирувчи ҳидларни захира қилинг
Эрталаб тезроқ тетикланиш учун лимон, мандарин, апелсин, бергамот, розмарин ёки райҳоннинг эфир мойлари билан тўлдирилган аромат чироқни ёқинг. Ёки сиз ванил ёки цитрус ҳидли душ гели билан шунчаки контрастли душ қабул қилинг.
Сайрга чиқинг
Тоза ҳаводан нафас олиш энг оддий, аммо энг самарали воситадир. Боғда тез-тез сайр қилинг ва кулранг ҳужайраларимиз учун зарур бўлган кислород терапиясининг бепул сеансини қабул қилинг. Чунки бош оғриғи, чарчоқ, уйқусираш кислород етишмаслигининг оқибатларидир. 30-40 дақиқа давомида тез суръатда пиёда юринг. Ҳафтасига камида уч марта қисқа сайр қилиш яхши ҳолатда бўлишга ёрдам беради, шунингдек, қон босимини нормаллаштиради, юрак-қон томир касалликлари хавфини, стрессни камайтиради ва иммунитет тизимини мустаҳкамлайди.
Мавзуга доир:
Изоҳ (0)