Наманган туманида тадбиркорга тегишли бинода содир бўлган ёнғин бартараф этилди. Бу ҳақда вилоят Фавқулодда вазиятлар бошқармаси ахборот хизмати хабар берди.
Хабарга кўра, 7 март куни Наманган туман фавқулодда вазиятлар бўлимининг 101 қисқа рақамига “Равнақ” МФЙ “Марғилон” кўчасида жойлашган Ҳ.С.га тегишли якка тадбиркорлик биносида ёнғин содир бўлаётгани тўғрисида хабар келиб тушган.
Хабарга асосан туман ФВБдан ёнғин-экипажи етиб келиб, ўт ўчирувчилар томонидан ёнғин ўчирилган. Ҳолат оқибатида куйган, тан жароҳати олганлар йўқ. Ҳозирда терговга қадар суриштирув ишлари олиб борилмоқда.
Аввалроқ Наманган шаҳрида жойлашган “Навбаҳор” стадиони ҳудудида ёнғин содир бўлгани ҳақида хабар берилганди.
Изоҳ (0)