АПЛ. “Ливерпуль” ўзида “Манчестер Юнайтед”га жавобсиз 7 та гол урди

Футбол бўйича Англия Премьер Лигасининг 26-турида “Ливерпуль” ва “Манчестер Юнайтед” жамоалари 5 март, якшанба куни ўзаро тўқнаш келди.

Учрашувнинг биринчи бўлими тенг курашлар остида ўтди ва ҳар икки жамоада қатор имкониятлар юзага келди. Танаффус арафасида Коди Гакпо мерсисайдларни олдинга олиб чиқди. Иккинчи бўлим бошида Дарвин Нуньеснинг аниқ зарбасидан кейин ҳисоб 2:0 кўринишини олди.

Орадан кўп ўтмай Гакпо дублни расмийлаштирган ҳолда ҳисобни йириклаштирди. 66-дақиқада Муҳаммад Салоҳ жамоасининг тўртинчи голини урди. 75-дақиқада Нуньес қанотдан узатилган тўпни боши билан дарвозага жойлаб қўйди.

83-дақиқада Салоҳ ҳам иккинчи голини урди. 88-дақиқада Роберто Фирмино якуний ҳисобни ўрнатди — 7:0.

Премьер Лига жадвали қуйидаги кўринишни олди:

АПЛ

26-тур баҳслари

5 март, якшанба

“Ливерпуль” – “Манчестер Юнайтед” 7:0

Голлар: 1:0 – 43 Гакпо, 2:0 – 47 Нуньес, 3:0 – 50 Гакпо, 4:0 – 66 Салоҳ, 5:0 – 75 Нуньес, 6:0 – 83 Салоҳ, 7:0 – 88 Фирмино.

“Ливерпуль”: Алиссон, Александер-Арнолд, ван Дейк, Konaте, Робертсон, Ҳендерсон (Байчетич, 78), Фабиньо (Милнер, 79), Эллиотт (Жонс, 85), Салоҳ, Гакпо (Фирмино, 79), Нуньес (Диогу Жота, 78).

“Манчестер Юнайтед”: Де Хеа, Диогу Далот, Варан, Мартинес (Маласиа, 77), Шоу, Каземиро (Забицер, 77), Фред (Мактоминей, 58), Бруну Фернандеш, Вегорст (Гарначо, 58), Рэшфорд (Эланга, 85), Антони.

Огоҳлантиришлар: Фабиньо (41), Антони (53), Мартинес (61), Мактоминей (64), Салоҳ (84).

“Ноттингем Форест” – “Эвертон” 2:2

Голлар: 0:1 – 10, пенальти Грэй, 1:1 – 19 Жонсон, 1:2 – 29 Дукуре, 2:2 – 77 Жонсон.