Тошкент шаҳрига энг кўп Тошкент ва Қашқадарё вилоятларидан кўчиб келинган. Бу ҳақда Статистика агентлиги ахборот хизмати хабар берди.
Статистика агентлигининг дастлабки маълумотларига кўра, 2022 йилда Тошкент шаҳрига республиканинг бошқа ҳудудларидан доимий яшаш мақсадида кўчиб келганлар сони 45 689 кишини ташкил этган. 2022 йилда Тошкент шаҳрига ҳудудлардан доимий яшаш учун кўчиб келганлар сони:
- Тошкент вилояти – 18648 киши;
- Қашқадарё вилояти – 5924 киши;
- Самарқанд вилояти – 3486 киши;
- Сурхондарё вилояти – 2853 киши;
- Бухоро вилояти – 2777 киши;
- Фарғона вилояти – 2181 киши;
- Андижон вилояти – 1716 киши;
- Хоразм вилояти – 1688 киши;
- Навоий вилояти – 1529 киши;
- Наманган вилояти – 1521 киши;
- Жиззах вилояти – 1303 киши;
- Сирдарё вилояти – 1074 киши;
- Қорақалпоғистон – 989 киши.
Аввалроқ 2022–2026 йилларга мўлжалланган Янги Ўзбекистоннинг тараққиёт стратегиясини “Инсонга эътибор ва сифатли таълим йили”да амалга оширишга оид давлат дастурига биноан уй-жойга эга бўлмаганлар учун янги дастур ишлаб чиқилиши хабар берилганди. Шунингдек, 2022 йил январь ойидан бошлаб Тошкент шаҳрида иккиламчи уй-жойларнинг ўртача нархи 28,3 фоизга ошгани айтилган эди.
Бундан ташқари, Тошкент шаҳрида 2023 йилнинг 1 январь ҳолатига кўра ҳар минг кишига ўртача 193 та енгил автомобиль тўғри келаётгани хабар қилинган.
Изоҳ (0)