Хитой россияпараст дезинформациялар, жумладан, Украинадаги уруш ҳақидаги хабарлар учун миллиардлаб доллар сарфламоқда. Бу ҳақда The Guardian хабар берди.
Global ҳамкорлик маркази координатор Жеймс Рубиннинг айтишича, Хитойнинг дунё бўйлаб “заҳарли” дезинформация, жумладан, Россиянинг Украина ҳақидаги риторикасига мос келадиган хабарларни тарқатишда миллиардлаб доллар сарфлайди. Ғарб эса бунга суст жавоб бермоқда. Координатор Хитой глобал миқёсда ишлаётганини ва дезинформацияга Москвадан кўра кўпроқ пул сарфлашини таъкидлади. Хитой Россиянинг “урушни НАТО бошлагани ҳақидаги" тезисларини такрор тарқатаётгани қайд этилди.
Рубин бунинг ортидан айрим давлатлар маълум позицияни эгаллаш четда турсин, Украинага ҳужум босқинчилик эканини тан олмаслигини билдирди.
“Африка ва Осиёнинг баъзи давлатлари учун Украина урушдан узоқдадир. Улар Ғарбдан етарлича эътибор қаратилмаётганига ишонади. Бу уларнинг баъзиларини урушга шу призма орқали қарашга мажбур қилади”, — таъкидлади у.
Уруш бошланганидан бери Хитой расман Украина ёки Россия томонини танламаган. Февраль ойида Пекин Украинадаги уруш бўйича ўз позициясини эълон қилишини билдирди. Улар Украинадаги урушни тугатиш бўйича 12 банддан иборат тинчлик режасини эълон қилди.
Унда Хитой томонларни “оловга ёғ сепмасликка” ва ўт очишни тўхтатишга чақирган. Пекиннинг ҳужжатини Қозоғистон расмийлари ҳам қўллаб-қувватлаган, НАТО маълум маънода қарши чиққан.
Изоҳ (0)