Россия шахмат федерацияси Осиё шахмат федерацияси аъзосига айланди

Россия шахмат федерацияси Осиё шахмат федерациясига (ACF) қўшилди. 

Осиё шахмат федерацияси бош ассамблеяси аъзолари РШФни ташкилотга қўшиш учун овоз берди. Овоз бериш жараёнлари Абу-Дабида бўлиб ўтди. Россияни AFCга қўшилиши учун 29 нафар делегат розилик берди, бир нафари қарши чиқди ва 6 нафар делегат бетараф қолди.

РШФнинг Европа шахмат иттифоқидан (ECU) Осиё шахмат федерациясига ўтказиш тўғрисидаги қарор ташкилот кузатув кенгаши томонидан 2022 йил 14 апрелда қабул қилинган. 

22 февраль санасида эса Халқаро шахмат федерацияси (FIDE) кенгаши Россиянинг ACF’га ўтиш ҳақидаги қарорини маъқуллаганди. 

Россиялик шахматчилар Сербияда бўлиб ўтадиган Европа чемпионатида иштирок этади. Бу ҳақида РШФ президенти Андрей Филатов маълум қилди.

“Юридик жиҳатдан биз 1 майдан ACF таркибига кирамиз. Шундан сўнг кечиктирмасдан Осиё мусобақаларида иштирок этамиз. Европа чемпионатида қатнашиш? У ерда муносиб натижа кўрсатамиз деб умид қиламан”, — дейди Филатов.

Шахмат бўйича Европа чемпионати 3 март куни старт олади.