Президент фармони билан 2022–2026 йилларга мўлжалланган Янги Ўзбекистоннинг тараққиёт стратегиясини “Инсонга эътибор ва сифатли таълим йили”да амалга оширишга оид давлат дастури тасдиқланди.
Ҳужжат билан 2023/2024-ўқув йилидан бошлаб республиканинг барча вилоятлари ва Тошкент шаҳрида бошланғич синф ўқувчиларини бепул овқат билан таъминлашни йўлга қўйиш тасдиқланди.
Бунда, овқат турлари ўқувчиларнинг ёши ва соғлиғи ҳолатига кўра меъёрланган ҳолда етказиб берилиши ҳамда санитария талабларига жавоб бериши таъминланади.
Эслатиб ўтамиз, мактаб ўқувчиларини бепул овқат билан таъминлаш тизими дастлаб Қорақалпоғистон ва Хоразм вилоятида 2022 йил 1 апрелидан жорий этилган. Шавкат Мирзиёев 2022 йил 20 декабрь куни Олий Мажлисга мурожаатномасида келаси ўқув йилидан ушбу амалиёт қолган вилоятлар ва Тошкент шаҳри мактабларида ҳам жорий этилиши ва бунинг учун 2,3 триллион сўм ажратилишини маълум қилганди.
Аввалроқ Қорақалпоғистондаги айрим мактабларда ўқувчиларга сифатсиз озиқ-овқат маҳсулотлари берилгани аниқланганди. Хусусан, болаларга берилаётган озиқ-овқат маҳсулотлари белгиланган меъёрга жавоб бермаслиги, шунингдек, ичимлик суви билан таъминланмагани, иссиқ чой билан таъминлаш учун эса шароит тўлиқ яратилмагани маълум бўлган эди.
Изоҳ (3)
Ёки бизгача етиб келмаябдими
Откат беришмаябдику
Zoʻr! Lekin maktabida oshxona boʻlmagan oʻquvchilar nima qiladi? Sinf xonalari yetishmay abetdan keyin oʻqishga majbur boʻlayotganlar, oshxonani ham oʻquvchilarga sinf xona qilib bergan maktablar qayerda ovqatlanadi. Dars xonadami????? Avval maktablarni sozlasa durust boʻlarmidi?