Голливуд юлдузи Том Круз Жеймс Корденнинг шоусида “Қирол шер” мултфильмидаги Пумба образини гавдалантирди

“Топ Ган: Меверик” фильми юлдузи Том Круз актёр, продюсер Жеймс Корденнинг “Кеч кеча” шоусидаги сўнгги эпизодда меҳмон бўлди. Иккала актёр ҳам Instagram’даги саҳифасига бирга тушган янги суратини жойлади.

Актёр шоуда Disney компанияси томонидан 1994 йилда суратга олинган “Қирол шер” фильмидаги тўнғиз Пумба образини яратди. Корден эса мултқаҳрамоннинг энг яқин дўсти Тимонни гавдалантирди. Maxсус қисм 27 апрель куни CBS телеканалида эфирга узатилади ва чиқиш мусиқий бўлади (актёрлар унда машҳур “Ҳакуна Матата” қўшиғини ижро этиши ҳам мумкин).

Корден 2015 йилдан бери тунги шоуга бошловчилик қилиб келади ва у февраль ойида лойиҳанинг бутунлай ёпилишини эълон қилди. Аввалроқ актёр дастурнинг суратга олиш жараёнларида Том Круз билан бирга қирувчи учувчига айланиб, парашютдан сакраган эди.

Круз “Топ Ган: Меверик” кинокартинасининг продюсерлик иши бўйича “Оскар”нинг “Энг яхши фильм” номинациясида мукофотни қўлга киритди. Фильм бутун дунё бўйлаб қарийб 1,5 миллиард доллар маблағ тўплашга муваффақ бўлди.