Нотўғри ухлаш, ниқоблардан кўп фойдаланиш: юз терисини қаритадиган 5 та одат

Қуёшдан ҳимояловчи кремлардан фойдаланиш, суюқлик балансини сақлаш, кўп сув ичиш юз терисининг ҳолатини яхши сақловчи одатлар ҳисобланади. Бироқ бу етарли эмас, бир қанча кундалик одатлар терини тиклаб бўлмайдиган даражада қаришига олиб келади. “Новий очаг” нашри шу ҳақдаги маълумотларни тақдим этди.

Терининг барча қисмини ҳимоя қилмаслик

Дерматологларнинг таъкидлашича, қуёшдан ҳимояловчи кремни эҳтиёткорлик билан қўллаш тахминан терининг 10 дан бир қисмини ҳимоя қилмаслиги мумкин.  Бундай ҳолатда юз терисининг 10 дан бир қисми ултрабинафша нурланишидан ҳимояланмаган бўлади. Бунга йўл қўймаслик учун, биринчи навбатда, кремни юзнинг энг “хавфли” жойларига қўлланг: кўз атрофидаги тери, бурун устига, соч ўсиши мумкин бўлган тери ва қулоқлар яқинига — бу кўпинча ҳимоясиз қоладиган  жойлар ҳисобланади. Иккинчидан, қуёшдан ҳимоя қилувчи кремларнинг тўғри сўрилиши ва ишлай бошлаши учун камида 20 дақиқа вақт кетишини унутманг. Ҳимояловчи воситани қўллаганингиздан кейин 20 дақиқа давомида юзингизга тегманг.

Ниқоблардан кўп фойдаланиш

Ҳафтада бир ёки икки марта терингизга зарар бермасдан турли хил гўзаллик ниқобларини қилишингиз мумкин. Алфа гидрокси кислоталар, гликолик кислота ва салицил кислотаси, деярли ҳар қандай маҳсулотда мавжуд бўлган ингредиентлар, агар жуда тез-тез ишлатилса, терини тирнаш хусусияти келтириб чиқариши, шунингдек, ёғ ишлаб чиқаришнинг кўпайишига олиб келиши мумкин. Бу ниқоблардан фойдаланиш терининг қаришини тезлаштиради.

Кўп қаҳва ичиш

Кофеин — ажойиб маҳсулот ва ҳақиқатан ҳам кўзларнинг ёрқинроқ порлаши ва тери мустаҳкам кўринишга келишига ёрдам бериши мумкин. Бироқ кунига 300 миллиграмм кофе ичиш терингизнинг гўзаллиги ва ёшлигини сақлаб қолиши мумкин бўлган максимал миқдор ҳисобланади. Бу миқдордан ортиқ қаҳва ичиш ҳам терини қаритувчи сабаблардан бири бўлади.

Нотўғри ухлаш

Уйқусизлик юз терисига зарарли эканини кўпчилик билади. Агар кунига саккиз-тўққиз соат яхши ухласангиз ҳам, юзингизни ёстиққа қўйиб, ён томонлама ёки қорнингиз билан ухлашга одатланган бўлсангиз, терингизни хавф остига қўйишингиз мумкин. Биринчидан, бундай одат туфайли терида бурмалар ва ажинлар пайдо бўлади, иккинчидан, ёстиқда хавфли бактериялар бўлиши натижасида терига тушиши ва яллиғланишни келтириб чиқариши мумкин. Чалқанча ухлашни ўрганинг ёки ёстиқ жилдини камида ҳар уч кунда алмаштиришга одатланинг.

Қошни нотўғри териш

Туклар терининг тагида синиши ёки терида ўсиши мумкин — буларнинг барчаси терининг яллиғланишига олиб келади. Яхши пинсет ёки ёпишқоқ мум қошларингизни аниқ ва хавфсиз шаклга келтириш учун мукаммал восита ҳисобланади.