Айни вақтда президент Шавкат Мирзиёев Қашқадарё вилоятини иқтисодий ривожлантириш масалалари бўйича йиғилиш ўтказмоқда. Бу ҳақда “Дарё” мухбири хабар берди.
Давлат раҳбари Қашқадарё вилоятини ривошлантириш масаласи ҳақида гапириб ўтди.
“Қашқадарё учун ҳеч ким кўчадан келиб, нимадир қилиб бермайди. Бугун вилоятга кўп пул ажратамиз. Нимага? Албатта, ривожлантириш учун.
Албатта, вилоятда қатор муаммоли масалалар бор. Ҳал этилиши зарур бўлган масалаларни туман ҳокимлари олдимизга қўйиши керак. Президентга масала қўймаган ҳокимнинг келажаги йўқ”, – деди Шавкат Мирзиёев.
Изоҳ (0)