Қатиқли парҳез ҳақида эшитмаган инсонни топиш жуда қийин. Қатиқнинг саломатликка фойдали бўлган жиҳатлари жуда кўп, шу билан бирга уни кундалик овқатланиш тартибига киритиш зарур. Wday нашри ҳар куни қатиқ ичиш инсон организмига қандай таъсир қилиши ҳақида маълумот берди.
.jpg)
Қатиқ тузланган карам ёки кимчи каби энг яхши 3 та ферментланган маҳсулотлар қаторига киради. Қатиқ пробиотиклар манбаи – “яхши” бактерияларни ўзида мужассамлаштиради.
Қатиқ ичиш инсон организмига қандай таъсир қилади?
Қатиқ ичакдаги микробларнинг тўғри мувозанатини, овқат ҳазм қилиш жараёнини яхшилайди, ичак инфекциялари хавфини камайтиради, иммунитетни оширади, озиқ-овқатдан муҳим озиқ моддаларни ўзлаштиришга ёрдам беради ва соғлом узоқ умр кўришда муҳим рол ўйнайди. Тадқиқотлар шуни кўрсатадики, ичакдаги микроорганизмлар мувозанати ҳатто вазн ва кайфиятни тартибга солишда ҳам рол ўйнаши мумкин.
Қатиқ сунъий ферментация, бир қанча моддаларнинг қўшилиши ва микроорганизмларнинг бошқариладиган ўсиши орқали ишлаб чиқарилади. Сутга қўшилган биринчи моддалар “қатиқ доналари” деб аталади. “Қатиқ доналари” таркибида камида 107 колония ҳосил қилувчи бирлик КҲБ/г, маҳсулотнинг охирги этапида эса камида 104 КҲБ/г хамиртуруш бўлиши керак. Қатиқни танлаётганда ёрлиқдаги ушбу рақамларга эътибор беринг.
Қатиқнинг 1, 2,5 ёки 3,2 фоиз ёғли турлари мавжуд. Агар парҳезингизнинг калория таркибини кузатаётган бўлсангиз ёки ёғли овқатларни чекламоқчи бўлсангиз, унда қатиқнинг кам ёғли турини танлашингиз керак. Ачитилган сут маҳсулоти қанчалик ёғли бўлса, шунчалик соғлом бўлишга ёрдам беради, деган фикр хато. Бироқ ёғ миқдори калория таркибига катта таъсир кўрсатиши муҳим.
.jpg)
Қатиқ калсий ва юқори сифатли протеинга бой. Бу тез ва тўйимли газак учун вариант бўлиши мумкин: бир стакан қатиқ (250 г) 2,5 фоиз ёғ тахминан 130 ккал, 7 г қимматли протеин ва кунлик калсий эҳтиёжининг 10 фоиздан кўпроғини ўз ичига олади.
Агар қатиқни яхши кўрсангиз, у ёқимсиз симптомларни келтириб чиқармаса ва парҳезингизда хилма-хил маҳсулотлар бўлса, унда бу ичимликни ҳар куни куннинг исталган вақтида ичишингиз мумкин.
Изоҳ (0)