Алия Бҳатт, Зарина Хон ва кўп вазн йўқотиб, таниб бўлмас даражада ўзгарган бошқа Болливуд актрисалари (фото)

Актёрларнинг иши осон эмас. Улар нафақат ўз ижролари устида ишлаши, балки қомати ва ташқи кўринишини мунтазам назорат қилиб бориши керак. Актёрларнинг ёнида парҳезларини кузатиб борадиган мураббийлар, маслаҳатчилар ва диeтологлар бор, бироқ улар яхши кўринишга эга бўлиши учун ўзи кўп меҳнат қилиши керак. Bollywoodtime нашри кўп вазн йўқотиб, таниб бўлмас даражада ўзгарган ҳинд актрисалари ҳақида маълумот берди.

Сара Али Хон

Актёрлар Саиф Али Хон ва Амрита Сингҳнинг қизи Сара актриса бўлиш истагини билдирганда, мухлислар ҳайратда қолди. Кейинчалик у чет элда таҳсил олди ва 96 килограммдан ортиқ вазн тўплади. Сара гормонал соғлиқ муаммоларидан ташқари тез овқатланишни яхши кўрарди. У вазн йўқотиш учун энг яхши мураббийлар, диэтологлар билан бир ярим йил машғулот ўтказди ва носоғлом бўлишга олиб келадиган овқатлардан воз кечди.

Бҳуми Педнекар

Кўпгина актрисалар дебют фильмларида чиройли кўринишга эга бўлиш учун вазн йўқоца, Бҳумида бу ҳолат аксинча эди. Актриса “Менинг келиним ХXL” фильмидаги роли учун рекорд даражадаги 15 килограмм вазн тўплади ва  шундан кейин 20 килограмм вазн йўқотди. Актриса роллар учун вазн тўплашга ва йўқотишга розилигини айтган.

Алия Бҳатт

Кўплаб ҳинд киноси мухлислари актриса Алия Бҳатт ёшлигида нозик ва ориқ бўлмаганини билмайди.

Кўпчилик билмайдиган нарса шундаки, актриса Алия Бҳатт ҳар доим ҳам бу қадар ориқ ва нозик бўлмаган. Унинг тўмтоқ ёноқлари экранга зўрға сиғадиган кастинг жараёнидаги видеоси ижтимоий тармоқларда тарқалгач, мухлислар унинг кўринишидан ҳайрон қолди. Актриса “Йил талабаси” фильмидаги роли учун уч ойда 20 килограмм вазн йўқотиши керак эди.

Зарина Хон

Актрса Зарина Хон нафақат ортиқча вазн билан, балки инсонларнинг масхара қилиши билан ҳам курашган. Ортиқча вазн туфайли уни Зарина эмас, Жиржина деб чақиришган.

Зарина парҳез, машғулотлар ва кучли ирода туфайли 100 килограммдан 56 килограммгача вазн йўқотишга муваффақ бўлди.

Сонакши Синҳа

Сонакши актриса бўлишдан олдин жуда кўп, яъни 90 килограммдан ортиқ вазнга эга эди. У Болливудга киришдан олдин жуда қаттиқ машқ қилди ва деярли 30 килограммдан ортиқ вазн йўқотди.

Актрисанинг сўзларига кўра, ҳозир унинг аҳволи яхши ва у Салмон Хондан жуда миннатдор, чунки Сонакши унинг ёрдамисиз ҳеч қачон вазн йўқотишда иродали бўла олмасди.

Паринити Чопра

Приянка Чопранинг синглиси Паринити ҳам ўзини яхши ҳис қилиши учун қўшимча вазнда халос бўлди.

Актриса интервьюларининг бирида: “Мен бутун умрим давомида ташқи кўринишим билан курашдим. Доим устимдан кулишарди ва ўткир ҳазилларга чидашга мажбур бўлдим. Бугунги кунда ўзимга бўлган ишонч янада кучли, ўзимни хотиржам ҳис қиляпман ва ўзим билан фахрланаман!”

Сонам Капур

Режиссёр Санжай Лила Бҳансали Сонамни 2007 йилда суратга олинган “Севимлилар” фильмига таклиф қилганида, у актрисага фақатгина битта: дарҳол вазн йўқотиш шартини қўйди.  Актриса диэтолог онаси Сунита ва Санжай ёрдамида 32 килограмм вазн йўқотди ва шундан кейин вазнини сақлаб қолишга ҳаракат қилди.

Сонам шартнома имзолашдан олдин 86 килограмм бўлганига кўпчилик ишонмайди. “Ростини айтсам, онам менга озишда ёрдам берди. У қилган биринчи иш жуда яхши кўрган нарсаларимдан: шоколад, музқаймоқ, қовурилган таомлар ва ширинликлардан воз кечишим кераклигини айтиш бўлди”, — дейди актриса.