Ўзбекистонда 6 нафар судья лавозимида ўзгариш рўй берди

Ўзбекистон Судьялар олий кенгашида бир қанча тайинловлар амалга оширилди. Бу ҳақда кенгаш ахборот хизмати хабар берди.

Хабарга кўра, 22 февраль куни 6 нафар судья лавозимида ўзгариш рўй берди. Судьялар олий кенгаши қарори билан:

• Шерали Комилов Ҳошимович – судьялик ваколати муддати даврига Фарғона вилояти фуқаролик ишлари бўйича Риштон туманлараро судининг судьяси лавозимига қайта тайинланди ва шу муносабат билан Андижон вилояти фуқаролик ишлари бўйича Асака туманлараро судининг судьяси лавозимидан озод қилинди; 
• Нуриддинжон Тожибоев Ёқубович – судьялик ваколати муддати даврига Андижон вилояти фуқаролик ишлари бўйича Асака туманлараро судининг судьяси лавозимига қайта тайинланди ва шу муносабат билан Андижон вилояти фуқаролик ишлари бўйича Бўстон туманлараро судининг судьяси лавозимидан озод қилинди;  
• Муҳайё Дедамирзаева Юсупжановна – судьялик ваколати муддати даврига Андижон вилояти фуқаролик ишлари бўйича Бўстон туманлараро судининг судьяси лавозимига қайта тайинланди ва шу муносабат билан Наманган вилояти судининг фуқаролик ишлари бўйича судьяси лавозимидан озод қилинди;
• Фурқатали Аҳмедов Октамалиевич – судьялик ваколати муддати даврига Наманган вилояти судининг фуқаролик ишлари бўйича судьяси лавозимига қайта тайинланди ва шу муносабат билан Андижон вилояти фуқаролик ишлари бўйича Қўрғонтепа туманлараро судининг раиси лавозимидан озод қилинди;
• Рустам Султонов Дилшодович — судьялик ваколати муддати даврига Андижон вилояти фуқаролик ишлари бўйича Қўрғонтепа туманлараро судининг раиси лавозимига қайта тайинланди ва шу муносабат билан Андижон вилояти фуқаролик ишлари бўйича Қўрғонтепа туманлараро судининг судьяси лавозимидан озод қилинди;
• Нигорахон Мирзакаримова Ибрагимовна – судьялик ваколати муддати даврига Андижон вилояти фуқаролик ишлари бўйича Қўрғонтепа туманлараро судининг судьяси лавозимига қайта тайинланди ва шу муносабат билан Тошкент шаҳар фуқаролик ишлари бўйича Учтепа туманлараро судининг судьяси лавозимидан озод қилинди.