Қирғизистоннинг амалдаги президенти Садир Жапаров мамлакатнинг барча собиқ президентларини бир жойга йиғиб, учрашув ўтказди. Жапаровнинг матбуот котиби Эрбол Султонбоев президентнинг учрашувдан кўзлаган мақсадини маълум қилди. Бу ҳақда Sputnik хабар берди.
Жапаров Ишоқ Раззоқов давридан бери мавжуд бўлган, мамлакат раҳбарлари барча ёмонликни ўзларидан олдинги раҳбарларга боғлаб келаётган амалиётни бузишни кўзлаган. Султанбаев учрашувининг асосий мақсади ҳам шу бўлгани, Жапаров ўз мурожаатида ўзидан олдингиларнинг ҳеч бирига нисбатан “шахсий манфаати, мажбурияти ёки душманлиги йўқлигини” таъкидлаганини айтди.
“Унинг асосий мақсади чинакам миллий жипслашиш, қирғиз давлати равнақи йўлида бирлашишдир. Ҳамма давлат раҳбарларининг камчиликлари бор, буни халқ яхши билади. Шу билан бирга, яхши томонларини эслаб қолиш керак. Агар Алмазбек Атамбаев ҳақида алоҳида гапирадиган бўлсак, унинг ҳукмронлиги давридаги ижобий ўзгаришларни унутмаслик керак”, — деди Султонбоев.
У ижтимоий тармоқларда собиқ президентлар, амалдаги ҳукумат тарафдорлари ва бошқа фуқаролар ўртасида муҳокамалар давом этаётганини таъкидлади.
“Шу муносабат билан барча томонларни ўз куч ва ғайратини муносабатларни оммавий намойишга эмас, балки ватанимиз фаровонлиги йўлида бунёд этишга йўналтиришга чақирмоқчиман”, — деди жапаровнинг матбуот котиби.
18 февраль куни Садир Жапаров барча собиқ давлат раҳбарлари: Асқар Акаев, Қурманбек Бакиев, Роза Ўтунбоева, Алмазбек Атамбаев ва Сўронбай Жээнбековни бир жойга йиғиб, учрашув ўтказгани маълум бўлди. Атамбаев тарафдорлари учрашув Дубайда ўтказилгани ҳақида хабар берди. Жапаров Қирғизистоннинг барча президентлари учрашиб, бир-бирини кечирганини айтди. Мазкур учрашувга Атамбаев ва Акаев ўз фикрини билдирди.
Изоҳ (0)