Америкалик актёр Ричард Гир оиласи билан Мексикага дам олиш учун борганида касалхонага ётқизилди. Шифокорлар унга пневмонияга қарши курашда биринчи ёрдам кўрсатди, деб хабар бермоқда “Film.ru” нашри.
.jpg)
Маълумотларга кўра, Гир Мексикада рафиқаси Александранинг туғилган кунини нишонлаган ва жуфтликнинг фарзандлари ҳам ўша ерда бўлган. Сафар олдидан Гирнинг пневмонияга чалингани аниқланган ва у дам олиш учун Мексикага етиб борганида қаттиқ йўтала бошлаган.
Актёр касалхонага ётқизилганидан бир кун ўтгач, у ердан чиққан. Гирнинг рафиқаси Instagramъдаги саҳифаси орқали оила аъзолари уч ҳафтадан бери тинмай касал бўлиб келаётганини айтган.
Маълумот учун, Ричард Гир 1949 йилда АҚШда туғилган. Гир 1967 йилда Шимолий Сиракузадаги мактабни тамомлагандан сўнг гимнастика ва фалсафа билан шуғулланган. Ричард Гир кино оламдаги фаолияти давомида “Офицер ва жентлемен”, “Мен у ерда эмасман”, “Хатико: Энг содиқ дўст” , “Чикаго” каби машҳур фильмларда суратга тушган. Актёр “Олтин глобус”, “Эмми” ва кино соҳасидаги бошқа нуфузли мукофотларни қўлга киритган.
Изоҳ (0)