20 февраль куни Тошкент шаҳар Ички ишлар бош бошқармасида “Ахборот-технологиялари соҳасидаги жиноятларнинг турлари ва ҳимояланиш усуллари” мавзусида брифинг ўтказилди. Бу ҳақда тадбирда иштирок этган “Дарё” мухбири хабар бермоқда.
Брифингда айтилишича, Ўзбекистонда 2020 йилда ахборот технологиялари соҳасида 106 та жиноят қайд этилган. 2021 йилда бу кўрсаткич 2 281 тани, 2022 йилда эса бир йил аввалгидан икки баравар, 2 йил аввалгидан 40 баравар кўпайиб, 4 332 тани ташкил этган.
2022 йилда ахборот технологиялари соҳасида рўйхатга олинган жиноятларнинг:
- 2 747 таси киберўғрилик;
- 625 таси киберфирибгарлик;
- 874 таси гиёҳвандлик жиноятлари ҳисобланади.
Таъкидланишича, йил давомида қайд этилган ҳолатларнинг 3 372 таси ёки 82 фоизини банк пластик карталардан пул маблағларни талон-торож қилиш билан боғлиқ жиноятлар ташкил этган.
ИИBB масъулларининг қўшимча қилишича, аҳоли билан олиб борилган профилактик чора-тадбирларга қарамасдан, бу турдаги жиноятларнинг салмоғи юқорилигича қолмоқда.
“Аҳолимиз ҳанузгача буни тушуниб етганича йўқ”, — дейди бошқарма матбуот хизмати раҳбари Нилуфар Исаханова.
Изоҳ (0)