Шимолий Корея етакчиси Ким Чен Ин қизи Ким Чжу Э билан бирга марҳум етакчи Ким Чен Ирнинг туғилган куни муносабати билан Вазирлар Маҳкамаси ва Мудофаа вазирлиги жамоалари ўртасида ўтказилган спорт мусобақасини томоша қилди. Бу ҳақда Корея марказий телеграф агентлиги хабар берди.
Тадбирда иккита мусобақа — футбол ўйини ва арқон тортиш ўтказилди. Иккала ҳолатда ҳам Мудофаа вазирлиги жамоаси ғалаба қозонди: футболда Вазирлар Маҳкамаси вакиллари 3:1, арқон тортишда 2:0 ҳисобида мағлуб этилди, деб ёзади агентлик.
.jpg)
Мусобақани мудофаа вазири Кан Сун Нам ва Корея Меҳнат партияси Марказий қўмитаси политюри президиуми аъзоси Чо Ён Вон, ҳукумат аъзолари ва бошқа вазирлик ходимлари ҳам томоша қилган.
2022 йилнинг ноябрь ойига қадар КХДР расмийлари мамлакат раҳбарининг фарзандлари борлигини тасдиқламаган эди. Жанубий Корея разведкаси маълумотларига кўра, Ким ва унинг рафиқаси Ли Сол Чжунинг 2010, 2013 ва 2017 йилларда туғилган икки қизи ва бир ўғли бор.
Февраль ойи бошида Шимолий Корея етакчисининг қизи КХДР армияси ташкил этилганининг 75 йиллигига бағишланган ҳарбий парадда иштирок этганди, шундан сўнг Жанубий Корея ОАВлари унинг давлат раҳбари вориси бўлиши эҳтимолини муҳокама қила бошлади.
8 февраль куни ҳам Ким Чен Ин қизи билан оммага кўриниш берган. Ўшанда қиз ота-онаси билан Корея халқ армиясининг 75 йиллиги муносабати билан ўтказилган бошқа тадбирларда қатнашган.
Изоҳ (0)