Қашқадарё вилояти Шаҳрисабз шаҳрида гаплашиб юрган қизининг суратларини тарқатмаслик учун 5 минг доллар талаб қилган йигит ушланди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Хабарга кўра, ҳолат Бош прокуратура ҳузуридаги департамент ҳамда ИИБнинг Шаҳрисабз шаҳар бўлимлари томонидан ўтказилган тезкор тадбирда аниқланган. Фуқаро О.И. А. исмли қиз билан гаплашиб юриб, унинг шахсий фотосуратларини қўлга киритган. Шундан сўнг ушбу суратларни ижтимоий тармоқларда тарқатиб юбориш билан қўрқитиб, эвазига ундан 5000 доллар талаб қилиб, шундан минг долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 165-моддаси (товламачилик) ва 141-1-моддаси (шахсий ҳаёт дахлсизлигини бузиш) билан жиноят иши қўзғатилиб, терговга тегишлилиги бўйича юборилган.
Изоҳ (0)