2022 йилда Ўзбекистонда биринчи фарзандини дунёга келтирган оналар сони 280 432 нафарни ташкил этган. Бу ҳақда Статистика агентлиги хабар қилди.
Қайд этилишича, шу йили 40 ва ундан катта ёшдаги 647 нафар аёл илк бор фарзандли бўлган.
Ёш гуруҳлари бўйича илк маротаба фарзандли бўлган оналар сонида 20 ёшдан 29 ёшгача бўлган аёллар катта ҳажмни эгаллайди. Бундан ташқари, 20 ёшгача бўлган 44259 нафар аёл фарзандли бўлган.
- 20 ёшгача – 44 259 киши (15,8 фоиз);
- 20-29 ёш – 216 792 киши (77,3 фоиз);
- 30-39 ёш – 18 734 киши (6,7 фоиз);
- 40-45 ёш – 647 киши (0,2 фоиз).
Эслатиб ўтамиз, 2023 йилнинг январь ойида 76199 нафар тирик туғилиш ҳолатлари ФҲДЙ органларида қайд этилган. Улардан 1816 нафари эгизак чақалоқлар ҳисобланади.
Изоҳ (0)