Қашқадарё вилояти Яккабоғ туманидаги 71-мактабда ўқувчи калтаклангани ҳақидаги хабар рад этилди. Вилоят Халқ таълими бошқармаси ҳолатга ойдинлик киритди.
Аниқланишича, мактаб ўқувчиси П. Ж. дарсларга фаол иштирок этиб келган. Шунингдек, ижтимоий тармоқларда директор ўринбосари уни ургани ҳақидаги маълумотлар ёлғон, асоссиз экани маълум бўлган.
П. Ж ва унинг онаси, синф раҳбари, мактаб в.в.б директори, ўринбосарлари билан халқ таълими бошқармаси ва тегишли масъуллар иштирокида суҳбатлашилган ва тегишли тартибда ўрганиш ишлари амалга оширилган.
“Бурним тез-тез қонаб туради. Бу дегани мени ўқитувчи урди, деганимас-ку? Расмимдан нотўғри фойдаланишган. Мен устозларимни доим ҳурмат қиламан”, — дейди 71-мактаб ўқувчиси П. Ж.
Изоҳ (0)