Ўзбекистонда 2023 йилги туман ва шаҳар бюджетларидан ташаббусли бюджет учун 2 триллион сўм маблағ ажратилади. Бу ҳақда Иқтисодиёт ва молия вазирлиги ахборот хизмати хабар берди.
Хабарга кўра, маблағдан 1 триллион сўми биринчи мавсумда ажратилади. Шунингдек, 2023 йил бошига маҳаллий бюджетларда шаклланган эркин қолдиқ маблағларининг 30 фоизи маҳаллий ҳокимликлар томонидан Фуқаролар ташаббуси жамғармасига йўналтирилади.
Биринчи мавсум учун Фуқаролар ташаббуси жамғармаларида жами 1,7 триллион сўм маблағ шаклланиши ва ушбу маблағларнинг овоз бериш жараёни бошлангунига қадар жамғармаларга йўналтирилиши кўзда тутилмоқда. Маълумот учун, 2023 йил 9 февраль ҳолатига Фуқаролар ташаббуси жамғармаларида 899 млрд сўм маблағ шаклланган.
Жамоатчилик томонидан билдирилган таклифларни молиялаштириш учун 2023 йилда бюджетдан жами 8 триллион сўм маблағлар йўналтирилиши мўлжалланган. Шундан:
- 2 триллион сўм – “Ташаббусли бюджет” жараёнлари учун туман ва шаҳар бюджетларида режалаштирилган;
- 320 миллиард сўм – “Менинг йўлим” лойиҳаси доирасида туман ва шаҳар бюджетларида режалаштирилган;
- 4 триллион сўм – “Обод қишлоқ” ва “Обод маҳалла” дастурларини жамоатчилик фикри асосида шакллантириш учун.
Изоҳ (0)