Охирги маълумотларга кўра, Туркияда 6 февраль куни содир бўлган зилзила қурбонлари сони 12 873 кишига етди, яна 63 000 га яқин одам жароҳатланган. Бу ҳақда Туркия Фавқулодда вазиятлар бошқармаси хабар берди.
Зилзила таъсир қилган қўшни Сурияда эса ҳозиргача 3 508 киши ҳалок бўлди, дея хабар бермоқда Al-Arabiya Сурия инсон ҳуқуқлари мониторинги марказига таяниб. Мамлакатда яна 5 000 дан ортиқ одам жароҳатланган.
6 февраль куни Туркия жанубида 7,7—7,8 магнитудали зилзила содир бўлди. Шундан сўнг Туркияда мингдан ортиқ ерости силкинишлари қайд этилди.
Мамлакатда минглаб бинолар вайрон бўлган, улар остидан одамларни қидириш давом этмоқда. Фалокат зоналарига 70 дан ортиқ давлат, жумладан, Ўзбекистон гуманитар ёрдам ва қутқарув гуруҳларини юборди.
Изоҳ (0)