Бугун,

  • USD 11095.31
  • RUB 173.84
  • EUR 10772.44

Ўзбекистонда 2023 йилда илғор тажрибалар асосида солиқ ва божхона маъмурчилиги тубдан ислоҳ қилинади. Бу жамоатчилик муҳокамасига қўйилган 2023 йилги давлат дастури лойиҳасининг 29-мақсадида кўзда тутилган.

Қайд этилишича, тадбиркорлик фаолиятини ташкил қилиш ва доимий даромад манбаларини шакллантириш учун шароитлар яратиш, хусусий секторнинг ялпи ички маҳсулотдаги улушини 80 фоизга ва экспортдаги улушини 60 фоизга етказиш мақсад қилинган.

Шу сабабли солиқ маъмурчилиги бўйича маълумотларни қайта ишлаш маркази ҳузурида барча солиқ тўловчиларнинг шахсий карточкаларини юритишни марказлаштирган бюджет билан муносабатларни бошқариш дирексияси Иқтисодиёт ва молия вазирлиги ва Солиқ қўмитасининг амалдаги штат бирликлари доирасида ташкил этилади.

Шунингдек, солиқларни ўз вақтида тўлаётган интизомли солиқ тўловчилар бўйича “Ишончли солиқ тўловчиси рейтинги” юритилади.

Иқтисодиёт ва молия вазирлиги, Коррупцияга қарши курашиш агентлиги топшириқ ижроси учун масъул этиб белгиланди.

Бундан таҳқари, маҳсулотлар экспорти бўйича ҳозирги 9 та босқичдан иборат божхона расмийлаштируви 3 баробар қисқартирилади. “Экспорт уч қадамда” – экспорт божхона юк декларацияларини шакллантиришдан бошлаб, расмийлаштиришга қадар бўлган барча жараёнларни ўз ичига қамраб олган тизим жорий этилади.

Бунда экспорт операцияларини қуйидаги 3 босқичда амалга ошириш назарда тутилади:

  • экспорт шартномасини шакллантириш;
  • товар ва транспорт ҳужжатлари асосида экспорт декларациясини автоматик шакллантириш;
  • божхона расмийлаштируви ва чегара назорати.

Изоҳ
Асосий янгиликлар
Маҳаллий
Ўзбекистон қонунчилигида 1 апрелдан нималар ўзгаради?
Дунё
Путин Россия ташқи сиёсатининг янги концепциясини тасдиқлади
Маҳаллий
Андижонда кредит маблағларини ўзлаштирган раҳбарларга жиноят иши қўзғатилди