Лимфоманинг тўртта муҳим белгиси
Агар бўйнингизда, қўлтиқ остингизда ва чов қисмингизда шиш пайдо бўлсаю, ҳеч қандай инфекция йўқлигига қарамай у шишишда давом этса, эҳтиёт бўлинг... Қўл билан сезиладиган ва ҳажми 2 см дан ошадиган шишган безлар лимфа тугунларининг шишидан далолат бериши мумкин. Бундай вазиятда ваҳима қилмасдан тўғридан-тўғри мутахассис гематологга мурожаат қилиш муҳимдир, чунки лимфома давоси бор касаллик ҳисобланади. Acıbadem Altunızade шифохонасининг суяк илиги трансплантацияси маркази раҳбари ва гематология бўйича мутахассис, профессор шифокор Сирет Ратип, касаллик қанчалик вақтли аниқланса, даволаниш имконияти шунчалик юқори бўлишини тушунтирди ва касалликнинг турлари ва даволаш усуллари ҳақида маълумот берди.
“Текширувга лимфома билан касаллангани ҳақиқатан ҳам тасдиқланганларга нисбатан кўпроқ одам келади”.
Профессор Сирет Ратип
Лимфа тугунлари организмнинг энг муҳим ҳимоя механизмларидан биридир. Танамиздаги минглаб лимфа тугунлари иммунитет тизимининг муҳим қисми ҳисобланади, бу бизга инфекциялар ва касалликларга қарши туришга ёрдам беради. Инфекциялар билан зарарланишда лимфа тугунлари катталашади. Касаллик тугагач, улар асл ҳажмига қайтади. Бу бутунлай нормал механизмнинг белгисидир. Лимфома - бу лимфа тугунларининг хавфли ўсмаси. Бироқ аксарият одамлар қулоқ, бурун ва томоқ инфекцияси пайтида бўйнидаги шиш лимфома деб ўйлаб, шифокорга мурожаат қилишади. “Шифокорга ҳақиқатан ҳам касал бўлганларга қараганда касал бўлмаган одамлар кўпроқ келади” деб таъкидлаган профессор доктор Сирет Ратип қуйидаги аломатларни тушунтириб ўтди.
Лимфоманинг энг муҳим белгилари
1.Ўтиб кетмайдиган ва ўсишда давом этадиган лимфа тугунларининг шишиши
Шиш, айниқса бўйин, қўлтиқ ости ва чов қисмида ҳеч қандай инфекциясиз пайдо бўлади ва, асосан оғриқсиз тарзда ўсишда давом этади.
2.Беихтиёр ва тез вазн йўқотиш
6 ой давомида ҳеч қандай парҳезлар ва бошқаларсиз нормал вазнингизнинг 10 фоизини йўқотиш касаллик белгиси бўлиши мумкин.
3.Тунги терлаш
Тунги терлаш, айниқса иссиқ ҳавода, одатий ҳолдир. Аммо лимфоманинг аломати бўлган тунги терлаш одамларда тунги кийим ва чойшабларини алмаштириш зарурияти ҳиссини уйғотиши мумкин.
4.Юқори ҳарорат
Бирор сабабсиз ривожланадиган ва ҳеч қандай инфекцияга боғлиқ бўлмаган иситма.
Бунинг сабаби нурланиш ва кимёвий моддалар бўлиши мумкин
Кўпчиликда қон кирадиган жойда ривожланиши мумкин бўлган лимфа шишлари пайдо бўлишининг асосий сабаби мавжуд эмас. Аммо лимфома ҳолатларининг оз қисми нур терапияси, бензол каби кимёвий моддаларни ўз ичига олган моддалар ва вирусли инфекциялар орқали содир бўлган аввалги нурланиш билан боғлиқ. Кўп ҳолларда лимфа тугунидаги фаоллик учун жавоб берадиган генларнинг тасодифий ёрилиши аниқланади. У ерда ҳужайралар мустақил бўлади, кўпаяди ва бошқа лимфа тугунларига тарқалади.
Касалликнинг кўплаб турлари мавжуд
Лимфомалар одатда Ходжкин лимфомалари ёки Ходжкин бўлмаган лимфомаларга бўлинсада, Ходжкин бўлмаган лимфомаларнинг кўплаб турлари мавжуд. Ходжкин бўлмаган лимфомалар ҳам тарқалиш турига қараб уч хил усулда тарқалиши мумкин. Ушбу турлардан бирида касаллик тез кучайиб боради ва жуда тез ривожланади. Бемор жуда шошилинч равишда касалхонага мурожаат қилишига тўғри келиши мумкин. Бошқа тур ойлар ва ҳафталар давомида ўртача суръатда ривожланади. Яна бир тури эса секинроқ ривожланади ва умр бўйи даволанишга муҳтож бўлмаслиги мумкин. Кўп сонли лимфома турларини учта асосий гуруҳда аниқлаш мумкин. Шунинг учун бу текширувлар жуда батафсил амалга оширилиши керак.
Профессор доктор Сирет Ратип:
“Кимётерапия ва илдиз ҳужайра трансплантацияси билан даволаш мумкин!”
Кимётерапия ва илдиз ҳужайра трансплантацияси лимфомани даволашда қўлланилади. Даволаш усуллари касаллик турига қараб фарқ қилсада, лимфома даволаш мумкин бўлган касаллик ҳисобланади. Бироқ барча касалликларда бўлгани каби, лимфомани даволашда эрта аниқлаш жуда муҳим жиҳат ҳисобланади. Ходжкин лимфомасининг 1 ва 2-босқичларида беш йил соғлом ҳаёт кечириш имконияти 80 фоизни, 3 ва 4-босқичларида эса деярли 60 фоизни ташкил қилади. Ходжкин бўлмаган лимфома ҳолатларида соғайиб кетиш кўрсаткичи вақтга қараб фарқланади ва тахминан 60 фоиз беморлар тўлиқ соғайиб кетади. Даволаниш фойда бермайдиган беморларнинг тахминан 30 фоизи юқори дозалардаги кимётерапия ва бемордан олинган илдиз ҳужайра трансплантацияси ёрдамида тузалиб кетиши мумкин. Шунингдек, сўнгги 10 йил ичида ишлаб чиқилган кўплаб янги дори воситалари даволашда истиқболли натижалар бериши кутилмоқда.
Туркиядаги Acıbadem шифохоналарида даволанишга оид барча қизиқтирган саволлар бўйича Acıbadem’нинг Тошкент ва Самарқанддаги ваколатхонасига мурожаат қилишингиз мумкин:
Тошкентдаги ваколатхонамизнинг манзили: Тошкент шаҳри, Мирзо Улуғбек тумани, Буюк ипак йўли мавзеси, 19-уй.
Телефон: +998 95 144 54 45
Самарқанддаги ваколатхонамизнинг манзили: Самарқанд шаҳри, Мирзо Улуғбек 140.
Телефон: +998 66 234 41 71
Расмий сайт орқали барча керакли маълумотларга эга бўлишингиз мумкин: www.acibadem.com.ru
Шунингдек, қўшимча маълумотларни олиш учун, ҳамда тажрибали ва юқори малакали шифокорларнинг қабулига ёзилиш учун Acıbadem расмий Telegram вa Instagram саҳифаларига аъзо бўлишингиз мумкин.
Реклама ҳуқуқи асосида.
Изоҳ (0)