Саломатлик ва ҳатто яшаб қолиш ҳам биринчи ёрдам қанчалик тўғри кўрсатилишига боғлиқ! Қуйидаги хатоларни билиб олинг, агар сиз ўзганинг ҳаётини сақлаб қолмоқчи бўлсангиз, бу хатолардан қочишга ҳаракат қилинг.
Биринчи ёрдам бемор ҳаётини сақлаб қолиши ёки жабрланувчини соғлиғидан бутунлай маҳрум қилиши мумкин. Одамлар биринчи ёрдам кўрсатишда тез-тез йўл қўядиган, шу билан жабрланганларнинг соғлиғига қўшимча зарар етказадиган энг кенг тарқалган хатоларни тўпладик — уларни эслаб қолинг ва ҳеч қачон қилманг!
Бурундан қон кетиши
Хато: Бошингизни тепага кўтаринг. Биринчидан, бу усул самарасиз ва қон кетишини тўхтатиш учун ҳеч қандай ёрдам бермайди. Иккинчидан, бемор қонни ютиб юбориши ва кейинчалик унинг қайт қилишига олиб келиши мумкин.
Буни қандай тўғри бажариш керак: Олдинга эгилиб, бармоқларингиз билан бурунни чимчилаб кўринг. Агар қон 10 дақиқа ичида тўхтамаса, бурун тешикларини пахтали тампон билан беркитиб, шифокор билан боғланинг.
Куйиш
Хато: Куйган жойга муз ёки мой суртинг. Ушбу “халқона даволар” фойдали эмас, балки зарар келтиради. Чунки ёғ билан қопланган ҳужайралар иссиқликни сақлаб қолади ва ҳолатни янада оғирлаштиради. Муз, аксинча, тери ҳужайраларини музлатиб юбориши ва уларнинг йўқолишига олиб келиши мумкин.
Буни қандай бажариш керак: Куйган жойни совуқ (муз эмас!) оқаётган сув остида бир неча дақиқа ушлаб туринг, кейин тоза, қуруқ бинт билан ёпинг ва шифокорга мурожаат қилинг.
Оғир жароҳатлар
Хато: Ярадорни ҳаракатлантиришга уриниш. Буни ҳеч қачон қилманг. Фақат жойида қолиш жабрланувчига жиддийроқ шикаст етказиши хавфини оширадиган ҳолатлар бундан мустасно. Масалан, ёнғин, бино қулаши ёки портлаш. Бошқа барча ҳолатларда ярадорни ҳаракатга келтириш, ағдариш ёки тананинг ҳолатини бошқа томонга ўзгартириш мумкин эмас — бу жароҳатларни, шу жумладан, умуртқа поғонасини ёки ички органларни янада шикастлаши мумкин.
Буни қандай қилиб тўғри бажариш керак: Тез ёрдамни чақиринг ва жабрланувчининг ёнида кўпроқ бўш жой ҳозирланг. Шунда шифокорлар унга осонлик билан яқин кела олади.
Кесиш ва яралар
Хато: Ярани тупик билан тозалашга уриниш. Тупикнинг бактерицид хусусиятларига эга эканлигига ишонишади, аммо бу чўпчак. Дарҳақиқат, оғзимизда жуда кўп бактериялар мавжуд (улар тишда учрайди), улар ярага кирса, инфекцияни кучайтириши мумкин. Айнан шу сабабга кўра, яраларни дарё ёки кўл сувлари билан ювиш хавфлидир.
Буни қандай тўғри бажариш керак: Ярани водопровод суви ёки шўр сув билан ювинг, бу сизнинг уйингиз ёки машинангизда биринчи тиббий ёрдам тўпламида бўлиши керак.
Пай чўзилиши ёки синиш
Хато: Жароҳатни илиқ компресс қилинг. Бу билан сиз вазиятни фақат оғирлаштирасиз. Иссиқлик қон оқимини кўпайтиради, бу эса янада кучли шишишга олиб келиши мумкин.
Буни қандай тўғри қилиш керак: Кўкарган ёки синган жойни муз ёки муздек компресс ёрдамида совитиб, тананинг жароҳатланган қисмини ҳаракат қилишига йўл қўйманг ва имкон қадар тезроқ тез ёрдам чақиринг. шифокорга мурожаат қилинг.
Кўз шикастланиши
Хато: Кўздан бегона нарсаларни олиб ташлашга уриниш. Бу ҳолатда ягона истисно шуки, агар бирор-бир кимёвий модда кўзга кирса, бу ҳолда дарҳол кўзингизни совуқ сув билан ювинг. Бошқа барча ҳолатларда, бегона нарсаларни мустақил равишда олиб ташлашга уриниш фақат шикастланишни кучайтириши ва ҳатто, ўнглаб бўлмайдиган оқибатларга олиб келиши мумкин.
Нима қилиш керак: Шикастланган кўзни бинт билан ёпинг ва дарҳол тиббий ёрдамга мурожаат қилинг.
Автоҳалокат
Хато: Шифокорга кўринманг, чунки бу “хавотирланадиган ҳеч нарса” эмас. Адреналин таъсири остида танамиз оғриқни “ниқоблаши” мумкин ва ҳатто ,Ажиддий жароҳатлардан кейин ҳам жабрланганлар ўзларида ҳамма нарса тартибда деб ўйлашлари мумкин. Бу пайтда аксарият ҳолларда тиббий ёрдам кўрсатиш тезлиги ҳал қилувчи рол ўйнайди.
Буни қандай тўғри бажариш керак: Агар сизнинг машинангиз жиддий шикастланган бўлса, “ўзимни яхши ҳис қиляпман”, деб ўйласангиз ҳам, шифокорга кўрининг.
Мавзуга доир:
Изоҳ (0)