2022 йилда криптоинвесторлар хакерлик ҳужумлари туфайли рекорд миқдорда 3,8 миллиард доллар йўқотди. 2021 йилда бу кўрсаткич 3,3 миллиард доллар бўлган. Бу ҳақда Chainalysis блокчейн таҳлилий платформасига таяниб Forbes хабар берди.
Йил давомида маблағларнинг катта қисми октябрь ойида ўғирланган — 32 та ҳужум натижасида хакерлар 775,7 миллион долларни қўлга киритган.
Платформа маълумотларига кўра, Шимолий Корея билан боғланган Lazarus гуруҳининг хакерлари 2022 йилда энг кўп бузғунчиликни амалга оширган — бир нечта ҳужумларда тахминан 1,7 миллиард доллар ўғирлаган.
Таққослаш учун, таҳлилчилар КХДРнинг 2020 йилдаги жами экспортини 142 миллион доллар деб баҳолаган.
“Криптовалюталар хакерлиги мамлакат иқтисодиётининг муҳим қисмидир, десак муболаға бўлмайди”, — дея хулоса қилмоқда Chainalysis блокчейн таҳлилчилари.
Ҳисоботга кўра, марказлашмаган молиявий протоколлар (DeFi) энг кўп ҳужумларни (82 фоиз) ташкил этган — ушбу бузғунчиликлар туфайли хакерлар 2022 йилда ўғирланган маблағларнинг 3,1 миллиард долларини олган.
Chainalysis таъкидлашича, DeFi протоколлари 2021 йилда хакерлар учун асосий мақсад бўлган.
“Агар кўприк етарлича катта бўлса, ақлли шартнома кодидаги ҳар қандай хато ёки бошқа мумкин бўлган заифлик деярли аниқ топилиб, хакерлар томонидан фойдаланилади”, — дейилади ҳисоботда.
Изоҳ (0)