Грета Тунберг тўртинчи бор тинчлик бўйича Нобел мукофотига номзод бўлди
Швециялик 19 ёшли экофаол Грета Тунберг тинчлик бўйича Нобел мукофотига тўртинчи бор номзод бўлди. Бу ҳақда Норвегиянинг NTB агентлиги хабар бермоқда
Қайд этилишича, Тунберг ва унинг Fridays for Future ҳаракати номзодини “Яшиллар” партиясидан Норвегия парламенти депутати Рауанд Исмаил илгари сурган.
“Fridays for Future ҳаракати ва Грета Тунберг туфайли иқлим бўйича намойишлар бутун дунё ёшларини ушбу кураш учун бирлаштирди, шу сабабли улар тинчлик мукофоти учун муносиб номзодга айланишди. Улар реал вақт режимида дунёни ўзгартирмоқда”, — деб Исмаилнинг сўзларидан иқтибос келтирган Норвегия агентлиги
Илгари Швецияда қирол Карл XII ҳайкали ўрнига Тунберг ҳайкалини қўйиш таклиф қилинганди.
Грета Тунберг 2018 йил август ойида Стокгольмдаги парламент биноси олдида яккахон пикетга чиққанидан кейин Швецияда ҳам, хорижда ҳам танилди. У ҳукуматдан иқлим бўйича Париж келишуви шартларини бажаришни талаб қилган.
