Байден иқлим ўзгаришини ядро урушидан ҳам хавфлироқ деб атади

Иқлим ўзгариши инсоният ҳаёти учун ядровий урушдан кўра кўпроқ хавф туғдирмоқда, деди АҚШ президенти Жо Байден инфратузилмага оид қонун лойиҳасидан кейин бир гуруҳ тарафдорлари билан учрашувда.

“Global исиш инсониятнинг мавжудлиги учун биз шу пайтгача дуч келган энг жиддий таҳдид, жумладан, ядровий қуролдан ҳам жиддий”, — дея Байденнинг сўзларини келтирди New Ёрк Пост.

Октябрь ойида Байден Куба ракета инқирозидан кейин дунё биринчи марта ядровий қурол таҳдидига дуч келаётганини айтганди. Ўшанда у Россия президенти Владимир Путиннинг ядрога оид сўзларини жиддий қабул қилишга чақириб, уни “жуда яхши” билишини таъкидлаган.

Байденнинг баёноти Путин қисман сафарбарлик эълон қилиб, Ғарбни “ядровий шантаж”да  айблаганидан кейин янграганди. У Россияда ҳам ядро қуроли борлигини эслатиб, мамлакат ҳимоя учун барча воситаларни ишга солишга тайёрлигини таъкидлади ва Путиннинг баёнотини пўписа деб ҳисобламасликка чақирди.

НАТО бош котиби Енс Столтенберг ядро қуролидан ҳар қандай тарзда фойдаланиш Россия учун жиддий оқибатларга олиб келишини айтган. АҚШ мудофаа вазири Ллойд Остин Москванинг “ядро қуролига ишораларини” қоралаган, бироқ у Россия Украинада ундан фойдаланишга тайёрланаётгани бўйича ҳеч қандай белгилар кўрмаганини таъкидлаган.