“Ювентус” Душан Влаҳович билан хайрлашишга тайёр. Футболчига АПЛнинг икки гранди қизиқиш билдирмоқда 

“Ювентус” ҳужумчиси Душан Влаҳович ёзги трансфер ойнасида жамоани тарк этиши мумкин.

Турин клуби сербиялик футболчига 80-90 миллион евро таклиф қилинсагина, уни қўйиб юборишга рози бўлади.

Аввалроқ Влаҳовичга “Челси” ва “Манчестер Юнайтед” қизиқиш билдираётгани хабар қилинганди. Футболчининг агенти эса таклифларга очиқ эканини маълум қилган. 

Душан Влаҳович жорий мавсум “Ювентус” сафида А Серияда 11 ўйинда иштирок этиб, 6 та гол ва битта голли узатмага муаллифлик қилган.